وزیر اعلی گلگت بلتستان نے مکمل لاک ڈاؤن کا عندیہ دےدیا

وزیر اعلی گلگت بلتستان   خالد خورشید  نے کہا ہے کہ  گلگت میں کورونا وائرس کی شرح 37 فیصد تک پہنچ چکی ہے جو انتہائی تشویش کی بات ہے۔عوام سے اپیل ہے کہ کورونا وائرس سے بچاؤ کیلئے ایس او پیز پر عملدرآمد کریں اور ویکسی نیشن کرائیں بصورت دیگر مجبوراً مکمل لاک ڈاؤن کرنا پڑے گا۔

مزید پڑھیں : پیپلزپارٹی کے سابق رکن صوبائی اسمبلی قاتلانہ حملے میں جاں بحق

مزید پڑھیں : این سی او سی کا ایس او پیز کی خلاف ورزیوں کا نوٹس

مزید پڑھیں : گورنر بلوچستان جسٹس (ر) امان اللہ خان مستعفی

 وزیر اعلیٰ گلگت بلتستان کا کہنا ہے کہ  گلگت  بلتستان میں کورونا وائرس کے حوالے سے ایمرجنسی نافذ کی جائے،بڑے اجتماعات پر فوری مکمل پابندی عائد کی جائے، ہائی سیکریٹریز کو ہدایت کی ہے کہ تمام سرکاری ملازمین اور ان کے خاندان کی فوری ویکسی نیشن کو یقینی بنایا جائے۔

وزیر اعلیٰ گلگت  بلتستان کا کہنا تھا کہ  گلگت  بلتستان آنے والے تمام افراد کو ویکسی نیشن سرٹیفکیٹ لازمی قرار دیا جائے اور بین الاضلاعی ٹرانسپورٹ میں بھی کورونا وائرس ایس او پیز پر عملدرآمد یقینی بنانے کیلئے اقدامات کئے جائیں۔ گلگت  بلتستان کی تمام آبادی کو دو ماہ میں مکمل ویکسی نیشن کرنے کیلئے خصوصی اقدامات کئے جائیں۔