پیپلزپارٹی کے سابق رکن صوبائی اسمبلی قاتلانہ حملے میں جاں بحق

تفصیلات کے مطابق  پاکستان پیپلزپارٹی کے سابق رکن صوبائی اسمبلی ملک شاہان حاکمین پر اٹک میں  اس وقت قاتلانہ حملہ کیا گیا جب وہ نماز جنازہ کی ادائیگی کے لیے پہنچے تھے۔قاتلانہ  حملے میں  وہ شدید زخمی ہوئے تھے۔

مزید پڑھیں : وزیر اعلی گلگت بلتستان نے مکمل لاک ڈاؤن کا عندیہ دےدیا

مزید پڑھیں : امتحانی مراکز اور بورڈ کے دفاتر میں دفعہ 144 نافذ

پولیس کا کہنا ہے کہ    اہل خانہ اور دوستوں نے فوری طور پر ملک شاہان کو راولپنڈی کے اسپتال منتقل کیا جہاں پہنچتے ہی وہ دم توڑ گئے ہیں ۔

سیکرٹری جنرل پیپلز پارٹی سید نیئر بخاری نے  پارٹی  کے صوبائی رہنما شاہان ملک پر قاتلانہ حملے کی شدید مذمت کی ہے۔نئیر بخاری نے مطالبہ کیا ہے کہ  پیپلز پارٹی کے اٹک سے صوبائی اسمبلی کے امیدوار پر حملہ کرنے والے مجرمین فوری گرفتار کئے جائیں ۔

نئیر بخاری کا کہنا ہے کہ پارٹی راہنما شاہان ملک پر حملہ ناقابل برداشت ہے ،شاہان ملک پر دن دہاڑے جنازہ کے دوران حملہ صوبائی حکومت کی ناکامی ہے ،پیپلز پارٹی راہنما کی حفاظت میں کوتاہی کے ذمہ داران کا تعین کیا جائے ،قاتلانہ حملہ کے مجرموں کو گرفتار کرکے قانون کے کٹہرے میں لایا جائے۔