گورنر بلوچستان جسٹس (ر) امان اللہ خان مستعفی

تفصیلات کے مطابق گورنر بلوچستان  جسٹس (ر) امان اللہ خان   نے استعفی دےدیا ہے۔چند ماہ قبل وزیر اعظم عمرا ن خان نے گورنر بلوچستان  سے استعفی طلب کیا تھا۔گورنربلوچستان نے اپنا استعفی صدر مملکت کو ارسال کردیا ہے۔

مزید پڑھیں : این سی او سی کا ایس او پیز کی خلاف ورزیوں کا نوٹس

یہ بھی  پڑھیں : وزیر اعلی گلگت بلتستان نے مکمل لاک ڈاؤن کا عندیہ دےدیا

واضح رہے کہ  30اپریل  2021 کو وزیراعظم کے گورنر بلوچستان کو خط لکھا تھا ،  لکھے گئے خط کے مندرجات سامنے آگئے تھے ، وزیراعظم کی جانب سے خط میں گورنر بلوچستان امان اللہ خان سے مستعفی ہونے کاکہاگیا تھا۔خط میں مزید کہاگیاتھا کہ بلوچستان میں نیا گورنر تعینات کرنا چاہتا ہوں،درخواست ہے مستعفی ہو جائیں ۔

 وزیراعظم عمران خان ظہور  آغا کو گورنر بلوچستان بنانے کے خواہاں ،بلوچستان عوامی پارٹی نے سینیٹر نصیب اللہ بازئی  کا نام فائنل کرلیا ۔

یاد رہے کہ  3اکتوبر 2018 کو صدر مملکت عارف علوی نے وزیر اعظم عمران خان کی ایڈوائس پر امان اللہ خان کو گورنر بلوچستان مقرر کیاگیا تھا۔

وفاقی حکومت نے امان اللہ یاسین زئی کو گورنر بلوچستان نامزد کیا تھا۔ جسٹس (ر) امان اللہ یاسین زئی 7 اگست 1954 کو پیدا ہوئے، 27 جنوری 1997 میں بلوچستان ہائیکورٹ میں بطور جج تعینات ہوئے، 14 ستمبر 2005 کو چیف جسٹس بلوچستان ہائیکورٹ بنے اور 5 اگست 2009 تک بطور چیف جسٹس ذمہ داریاں انجام دیں۔