اسرائیلی اداکارہ کو کاسٹ کرنے پر لبنان نے فلم"سنو وائٹ" پر پابندی عائد کر دی

بیروت:لبنان نےاسرائیلی اداکارہ کوکاسٹ کرنے پر ڈزنی کی فلم سنو وائٹ ’Snow White‘   پر پابندی عائد کر دی۔
غیر ملکی میڈیا کی رپورٹس کے مطابق اس اقدام کی بنیادی وجہ فلم میں اسرائیلی اداکارہ گال گیڈٹ کی کاسٹنگ ہے، جو کہ فلم میں ایول کوئن کا کردار ادا کر رہی ہیں، جس کی وجہ سے لبنان نے ڈزنی کی نئی لائیو ایکشن فلم سنو وائٹ ’Snow White‘ کو سنیما گھروں میں ریلیز کرنے سے روک دیا ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by India Today (@indiatoday)

یہ فیصلہ لبنان کے وزیرِ داخلہ احمد الحجّار کی جانب سے کیا گیا، جو فلم اور میڈیا مانیٹرنگ بورڈ کی تجاویز کے بعد سامنے آیا۔
مقامی رپورٹس کے مطابق پابندی اسرائیلی فوج کی لبنان میں حزب اللّٰہ کے خلاف حالیہ کارروائیوں اور ان حملوں میں عام شہریوں کے متاثر ہونے کے پسِ منظر میں لگائی گئی ہے
یاد رہے کہ لبنان ماضی میں بھی اسرائیلی فنکاروں یا اسرائیلی وابستگی رکھنے والے مواد پر پابندیاں عائد کرتا رہا ہے۔