کیاایک اور پاکستانی ٹک ٹاکر کو دبئی میں گرفتار کر لیا گیا؟

ویب ڈیسک:دبئی میں ایک اور پاکستانی ٹک ٹاکر ’’مسٹر پتلو‘‘ کو گرفتار کر لیا گیا ہے،اس بات کی تصدیق سوشل میڈیا انفلوئنسریوٹیوبر رجب بٹ نے ایک ویڈیو میں کی۔’’مسٹرپتلو‘‘رجب بٹ سے ملنے  قطر جا رہے تھے کہ دبئی ایئر پورٹ پر امیگریشن حکام نے انہیں روک لیا۔
 گرفتاری کی وجہ تاحال سرکاری طور پر سامنے نہیں آئی، تاہم رجب بٹ نے بتایا کہ پٹلو "یو اے ای میں درج ایک مقدمے" میں گرفتار کیے گئے ہیں۔ انہوں نے قانونی معاملات کی حساسیت کو مدِنظر رکھتے ہوئے مزید تفصیلات بتانے سے گریز کیا، لیکن اس بات کا اظہار کیا کہ وہ پٹلو کو جلد رہا کروانے کی بھرپور کوشش کر رہے ہیں۔
رجب بٹ نے مداحوں سے اپیل کی ہے کہ وہ صبر کا مظاہرہ کریں اور خاص طور پر کسی بھی خاتون کو اس معاملے میں بدنام یا ہدف نہ بنائیں۔
پٹلو ماضی میں بھی کئی تنازعات کا شکار رہ چکے ہیں۔ ان کی سابقہ اہلیہ، رابیہ، ان پر ناجائز تعلقات کے الزامات لگا چکی ہیں اور دعویٰ کرچکی ہیں کہ وہ مبینہ طور پر کئی لڑکیوں کے ساتھ تعلقات میں ملوث رہے ہیں۔
رجب بٹ جو اس وقت خود بھی پاکستان سے باہر ہیں، سنگین قانونی مسائل کا سامنا کر رہے ہیں۔ ان کے خلاف توہینِ مذہب سے متعلق مقدمات درج ہیں، جو ان کے متنازعہ پرفیوم برانڈ کے آغاز کے بعد سامنے آئے۔ الزامات کی حساس نوعیت کے باعث رجب نے پاکستان واپسی سے اجتناب برتا ہے۔