پاکستانی اداکار فواد خان کی پہلگام حملے کی مذمت

مقبول پاکستانی اداکار فواد خان کی آنے والی ہندی فلم ’ابیر گلال‘ ایک بار پھر بھارتی تنازع کی زد میں آ گئی۔

فواد خان نے واقعے پر گہرے دکھ اور افسوس کا اظہار کیا اور انہوں نے انسٹاگرام پر ایک پوسٹ شیئر کی جس میں انہوں نے لکھا کہ پہلگام میں گھناؤنے حملے کی خبر سن کر بہت دکھ ہوا۔ ہماری دعائیں متاثرین اور ان کے اہل خانہ کے ساتھ ہیں اور ہم اس مشکل وقت میں ان کے اہل خانہ کے لیے دعا گو ہیں۔

تاہم سوشل میڈیا پر فواد خان کی پوسٹ میں لفظ ’مذمت‘ شامل نہیں، انہوں نے حملے کو وہشیانہ ضرور قرار دیا ہے اور متاثرین اور ان کے اہل خانہ کے لیے اچھے جذبات کا اظہار کیا۔

یاد رہے کہ جب مقبوضہ کشمیر کے علاقے پہلگام میں دہشت گرد حملے میں 26 سیاح ہلاک ہوئے جس کا الزام بھارت نے پاکستان پر لگایا۔

اس واقعے کے بعد بھارت میں ایک بار پھر پاکستانی فنکاروں پر پابندی کا مطالبہ زور پکڑنے لگا، اور سوشل میڈیا پر فلم کا بائیکاٹ (#BoycottAbirGulaal) ٹرینڈ کر رہا ہے۔