جنوبی وزیرستان: ایف سی چیک پوسٹ کے قریب خودکش دھماکہ،2بچے جاں بحق

جنوبی وزیرستان:صوبہ خیبر پختونخوا کے علاقے جنوبی وزیرستان میںفرنٹیئر کور( ایف سی) چیک پوسٹ کے قریب خود کش دھماکہ ہوا ہے جس کے نتیجے میں 2 بچے جاں بحق جبکہ ایک زخمی ہو گیا۔
ذرائع کا کہنا ہے کہ جنوبی وزیرستان کے علاقے اعظم ورسک میں آئی ای ڈی دھماکا ہوا ، جس میں دو بچے جاں بحق ہو گئے ، دھماکے کے بعد علاقے میں خوف و ہراس پھیل گیا۔
ریسکیو حکام کے مطابق لاشوں اور زخمی بچے کو فوری طور پر قریبی اسپتال منتقل کر دیا گیا۔
تاحال دھماکے کی ذمہ داری کسی گروہ نے قبول نہیں کی تاہم سیکیورٹی ادارے واقعے سے متعلق مختلف پہلوؤں کا جائزہ لے رہے ہیں۔
 دوسری جانب پولیس نے موقع پر پہنچ کر علاقے کو گھیرے میں لے کر دھماکے کی نوعیت اور محرکات جاننے کے لیے تحقیقات کا آغاز کر دیا۔