امریکا کا ایران سے تیل خریدنے والے ممالک پر پابندیاں لگانے کا اعلان

امریکی صدر ڈونلڈ ٹرمپ نے کہا ہے کہ جو ایران سے تیل خریدےگااسےامریکاکےساتھ کاروبارکی اجازت نہیں ہوگی اور ایران سے تیل خریدنے والوں کو ثانوی پابندیوں کا سامنا ہوگا۔

امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اپنی پوسٹ میں لکھا کہ ایران کے تیل یا پیٹرو کیمیکل مصنوعات کی تمام خریداریوں کو روکنا ہوگا اور جو بھی ملک یا شخص ایران سے کوئی بھی چیز خریدے گا، وہ فوری طور پر ثانوی پابندیوں کا سامنا کرے گا انہیں کسی بھی صورت میں امریکہ کے ساتھ کاروبار کرنے کی اجازت نہیں ہوگی۔

واضح رہے کہ ایران کے جوہری پروگرام پر ہونے والے چوتھے مرحلے کے مذاکرات کی تاخیر ہونے کے بعد امریکی صدر ڈونلڈ ٹرمپ ایرانی تیل خریدنے والوں کی دھمکی دی ہے،اس ہفتے 3 مئی کو روم میں ہونے والے مذاکرات ملتوی ہوگئے تھے اعلیٰ ایرانی عہدیدار نے عالمی میڈیا سے گفتگو میں کہا تھا کہ نیا تاریخ طے کیا جائے گا، جو کہ امریکہ کے رویے پر منحصر ہوگا۔

 خیال رہے کہ ٹرمپ انتظامیہ نے ایران کوکئی پابندیوں کا نشانہ بنایا ہے، جن میں ایک چین میں قائم خام تیل کے ذخیرہ کرنے والے ٹرمینل اور ایک آزاد ریفائنر شامل ہیں، جس پر امریکہ نے غیر قانونی تیل اور پیٹرو کیمیکلز کی تجارت میں ملوث ہونے کا الزام لگایا ہے۔