انگلینڈ نے پہلے ون ڈے میچ میں پاکستان کو شکست دے دی

تفصیلات کے مطابق پاکستان اور انگلینڈ کے درمیان پہلا ون ڈے میچ آج کارڈیف میں کھیلا گیا ہے ۔ انگلش ٹیم نے ٹاس جیت کر پہلے فیلڈنگ کا فیصلہ کیا تھا انگلینڈ ٹیم بین سٹوکس کی قیادت میں میدان میں اتری۔

پاکستانی ٹیم پہلے بیٹنگ کرتے ہوئے 141 رنز پر ڈھیر ہوگی،اوپنر بلے باز امام الحق کھاتا کھولے بغیر ہی پولین لوٹ گئے ،کپتان بابر اعظم صفر رنز پر اپنی وکٹ گنوا بیٹھے، فخر زمان 47 رنز کے ساتھ ٹاپ سکورر رہے ،شاداب خان 30 رنز کے ساتھ دوسرے نمایاں بلے باز رہے جبکہ 6 پاکستانی کھلاڑی ڈبل فگر میں بھی داخل نا ہوسکے ۔

انگلینڈ کی جانب سے ثاقب محمود نے 42 رنز کے عوض 4 وکٹیں حاصل کیں جبکہ میک پارکسن اور کارج اورٹن نے دو دو وکٹیں حاصل کیں ہیں ۔

حدف کا تعاقب کرتے ہوئے انگلش ٹیم نے ایک وکٹ کے نقصان پر 21 اشاریہ پانچ اورز میں ٹارگٹ حاصل کرلیا ہے ۔

فل سالٹ نے 7 رنز کیے جبکہ ڈیوڈ میلان نے 68 اور زک کرول نے 58 سکور کیے ہیں ۔

پاکستانی بولر میں شاہین شاہ آفریدی کے علاوہ کوئی بھی بولر ووکٹ حاصل نا کرسکا ۔

شاہین آفریدی نے پانچ اووز میں 22 رنز کے عوض ایک وکٹ حاصل کی ہے۔