9مئی واقعات: عدالت نے فسادات میں ملوث مزید20 ملزمان کو سزائیں سنا دیں

راولپنڈی: انسداد دہشتگردی عدالت (اے ٹی سی) نے 9 مئی کے فسادات میں ملوث مزید 20 ملزمان کو سزائیں سنا دیں۔
راولپنڈی کی انسداد دہشتگردی عدالت میں 9 مئی واقعات کے مقدمات کی سماعت ہوئی۔ 
دوران سماعت عدالت نے مزید 20 ملزمان کو سزائیں سنا دیں، عدالت نے ملزمان کو 6،6 ماہ قید بامشقت اور 50،50 ہزار روپے جرمانے کی سزا سنائی۔
 عدالت نے ملزمان کو فوری طور پر حراست میں لے کر اڈیالہ جیل منتقل کرنے کے احکامات جاری کر دیے، جبکہ جیل سپرنٹنڈنٹ کو سزا پر عملدرآمد کی ہدایت بھی دے دی گئی ہے۔
ملزمان نے دوران ٹرائل اقبال جرم کیا، اور دفعہ 164 کے تحت اقبالی بیانات قلمبند کرائے،ملزمان 2 سال سے ضمانتوں پر رہا تھے
واضح رہے کہ ملزمان 9 مئی کو ترنول ریلوے اسٹیشن پر حملے میں ملوث تھے۔