وفاقی تعلیمی اداروں میں طلباء کے داخلہ جات سے متعلق ایڈمیشن پالیسی جاری

تفصیلات کے مطابق    رجسٹریشن فارمز 14جولائی سے جاری کیے جائیں گے، 31جولائی کو میرٹ لسٹیں آویزاں کی جائیں گی، 6اگست سے نئے داخل ہونے والے طلباء کی کلاسز شروع ہوں گی، چھٹی میں داخلہ ٹیسٹ لینے سے روکتے ہوئے کلسٹر میں موجود تعلیمی اداروں میں لازمی داخلہ دیا جائے گا۔

 فیڈرل ڈائرکٹوریٹ آف ایجوکیشن کے مطابق 28اور 29جولائی کو ٹیسٹ ہوں گے جبکہ اکتیس جولائی کو میرٹ لسٹیں آویزاں کی جائیں گی، داخلہ کے خواہش مند طلباء کی اکتیس مارچ 2021کو پریپ کلاس کے لیے عمر کی حد 4سے 5سال ، پہلی کلاس کے لیے عمر کی حد5سے6سال مقرر کر دی گئی، میرٹ کی بنیاد پر داخلہ جات ہوں گے۔

پالیسی کے مطابق طلباء کی تعداد زیادہ ہونے کی صورت میں ٹیسٹ لیا جائے گا، پہلے سے داخل بہن بھائی کے سکول میں داخلہ جات میں بہن بھائیوں کو ترجیح دی جائے گی۔کلاس دوئم سے چہارم،ساتویں اور آٹھویں کلاسز میں داخلہ جات کا مکمل اختیار اداروں کے سربراہان کے پاس ہو گا ، غیر ملکی سفارت خانوں کے ملازمین کے بچوں کے داخلہ جات وفاقی وزارت تعلیم کے ذریعے ہوں گے۔