پاک بھارت کشیدگی،علی ظفر نے مقبول ملی ترانے "اے پتر ہٹاں تے نہیں وکدے" کا نیا ورژن جاری کردیا

لاہور:پاکستان کے مایہ ناز گلوکار علی ظفر نے میڈم نور جہاں کے مقبول ملی ترانے "اے پتر ہٹاں تے نہیں وکدے"  کا نیا ورژن جاری کرکے فوجی نوجوانوں کے لیے قوم کے احساسات کی ترجمانی کردی ۔
گلو کار علی ظفر نے ملکہ ترنم نور جہاں کے مشہور جنگی ترانے "اے پتر ہٹاں تے نہیں وکدے" کو ایک نئے انداز میں پیش کرکے پاکستانی قوم کے احساسات کی ترجمانی کی۔
ترانہ پیش کرنے کا مقصد نہ صرف سرحدوں پر وطن کے  دفاع کی خاطر کھڑے فوجی جوانوں کے عزم کو سلام پیش کرنا ہے بلکہ ہمارے فوجیوں کے لیے یکجہتی اور حمایت کا اظہار بھی ہے جو سرحدوں پر اپنے خون سے وطن کی حفاظت کر رہے ہیں۔
علی ظفر نے اس گانے کو جس جذبے اور محبت کے ساتھ پیش کیا ہے، وہ ہر پاکستانی کے دل کی گہرائیوں میں اُترتا ہے،علی ظفر کی آواز میں وہ درد اور فخر ہے جو ہر پاکستانی ماں، والد، اور بیٹے کی دعاؤں میں چھپاہوا ہے۔
یہ گانا صرف یاد دہانی نہیں، بلکہ ایک نیا پیغام ہے — ہم سب کا پاکستان۔“اے وطن کے سجیلے جوانوں… میرے نغمے تمہارے لیے ہیں۔”پاکستان کا ہر کونے میں بسنے والا ہر فرد، ہر پاکستانی نوجوان، اور ہر ماں اپنے سپوتوں کے لیے فخر محسوس کرتے ہیں۔
 یہ سرزمین نہ صرف ہمارے لیے سکون کی جگہ ہے، بلکہ یہ وہ سرزمین ہے جس نے ہمیں اپنی پہچان دی، اپنے حقوق دیے، اور اپنی عزت کے لیے لڑنے کا حوصلہ دیا۔