ڈی پی او جہلم کی زیر صدارت کھلی کچہری کا انعقاد ، تھانہ جلالپورشریف کی نئی بلڈنگ کا دورہ

ڈسٹرکٹ پولیس آفیسر جہلم طارق عزیز سندھو نے  نمازِ جمعہ کے بعد جامع مسجد بلال علاقہ تھانہ جلالپورشریف میں کھلی کچہری کا انعقاد کیا ۔

مسجد میں کھلی کچہری میں لوگوں نے اپنے تمام  مسائل بتائے جن پر فوری کاروائی کے احکامات صادر کرتے ہوئے موقع پر ہی انکے حل کے احکامات جاری کیے۔

ڈی پی او جہلم نے کہا کہ پبلک سروس ڈلیوری کے معیار کو بہترین بنانا جہلم پولیس کی اولین ترجیحات میں شامل ہیں.

انہوں نے کہا کہ اس موقع پر جہلم پولیس کی طرف سے ضلع جہلم کی عوام کو کسی بھی غیر قانونی سرگرمی سے دور رہنے اور سماج دشمن عناصر کی بیج کنی کے لیے ایسے افراد منشیات فروشوں,قحبہ خانوں اور کسی بھی غیر قانونی سرگرمی میں ملوث افراد کی نشاندہی کریں اور جہلم پولیس کا ساتھ دیں ۔ 

 آئی جی پنجاب کے احکامات پر فوری انصاف عوام کی دہلیز پر فراہم کیا جارہا ہے، اس سلسلہ پولیس میں خدمت مراکز کا قیام، پولیس تحفظ مراکز کا قیام، میثاق مراکز، مصالحتی کونسلز کا قیام اور تھانہ جات کی بطور سپیشل انیشیٹیو پولیس اسٹیشن اپ گریڈیشن شامل ہے جہاں پر 24/7 سہولیات بہم پہنچائی جارہی ہیں ۔ 

ڈی پی او جہلم نے کہا کہ آئی جی پنجاب اور آر پی او راولپنڈی ڈویژن کی ہدایت پر جہلم میں کھلی کچہریوں کا انعقاد کیا جارہا ہے۔ 

انہوں نے کہا کہ کھلی کچہریوں کا مقصد تیز ترین انصاف شہریوں کی دہلیز پر فراہم کرنا ہے، عوام الناس اپنے مسائل لیکر بلا جھجک کھلی کچہریوں میں پہنچیں جہاں انکے مسائل موقع پر حل کیے جائیں گے ۔ 

تھانہ جلالپورشریف کی نئی بلڈنگ کا وزٹ : 

ڈی پی او جہلم طارق عزیز سندھو نے  تھانہ جلالپورشریف کی نئی بلڈنگ کا وزٹ بھی کیا ۔ 

دوران وزٹ ایکسین،ایس ڈی او بلڈنگ اور ایس ایچ او تھانہ جلالپورشریف بھی ڈی پی او جہلم کے ہمراہ تھے ۔ 

 ایس ڈی او بلڈنگ نصراللہ خان نے ڈی پی او جہلم کو جاری تعمیراتی کام کے حوالے سے بریفنگ دی ،

ڈی پی او جہلم نے  زیر تعمیر کام جلد مکمل کرنے کی ہدایت کی ، انہوں نے کہا کہ نئی بلڈنگ کی تعمیر سے پولیس افسران کو اچھی رہائش ملے گی ۔