پاکستان کا بڑا فیصلہ،بھارت کے لیے فضائی حدود مزید 1 ماہ تک بند

اسلام آباد: پاکستان نے بھارتی پروازوں کیلئے ملکی فضائی حدود مزید 1ماہ تک بند رکھنے کا فیصلہ کرلیا ہے۔
پاکستان ائیرپورٹس اتھارٹی(پی اے اے) کے مطابق پاکستانی فضائی حدود پر بھارتی طیاروں کی پرواز پر پابندی کل سے ٓ24 جون 2025 کی صبح 4 بجکر 59 منٹ تک بڑھا دی گئی۔
اس حوالے سےپاکستان ائیرپورٹس اتھارٹی کا کہنا ہے کہ بھارتی رجسٹرڈ، آپریٹڈ، ملکیت یا لیز پر تمام طیارے پابندی کی زد میں رہیں گے،جبکہ پابندی کا اطلاق فوجی طیاروں پربھی لاگو ہوگا۔
دوسری جانب پاکستانی فضائی حدود کی بندش سے بھارتی ائیر لائنز کو ایک ماہ میں 800 کروڑ روپے سے زائد کا نقصان اٹھانا پڑا ہے، پابندی مزید برقرار رکھنے کا فیصلہ کیا جارہا ہے جس کا اعلان آج یا کل متوقع ہے ، جس کے بعد نوٹم جاری کیا جائے گا۔
پابندی برقرار رہنے کی صورت میں بھارتی حکومت نے اگر ایئر لائنز کے مطالبات کے مطابق خصوصی مدد نہیں کی تو انہیں آپریشن برقرار رکھنے کیلئے غیر معمولی اور بڑے فیصلے کرنا پڑ سکتے ہیں۔