امریکا نے بھارت میں تیار ہونے والے آئی فونز پر نیا ٹیکس عائد کر دیا

 امریکا نے بھارت میں تیار ہونے والے آئی فونز پر نیا ٹیکس عائد کر دیا ہے ۔ 

تفصیلات کے مطابق امریکی صدر ڈونلڈ ٹرمپ نے آئی فون پر نیا ٹیکس عائد  کر دیا اور بھارت کو بڑے صدمے سے دوچار کر دیا ہے۔

واضح رہے کہ امریکی صدرڈونلڈ ٹرمپ نے بھارت میں بننے والے ایپل آئی فون کی حوصلہ شکنی کے لیے ایک اور بیان دیتے ہوئے کہا کہ امریکا میں صرف وہی آئی فون فروخت ہوں گے جو امریکا میں ہی بنے اور تیار کیے گئے ہوں ناکہ بھارت یا کسی اور جگہ سےدرآمد کیےگئے ہوں۔

انہوں نے مزید کہا کہ  ایسے آئی فون کی امریکا میں فروخت پر ایپل کمپنی کوٹیکس ادا کرنا ہو گا، اپیل کےمالک ٹم کک کو اس حوالے سے پہلے ہی آگاہ کر چکا ہوں۔ 

اپنے سوشل میڈیا پلیٹ فارم ٹروتھ سوشل پرجاری بیان میں ٹرمپ نےکہا یورپی یونین کےساتھ معاملات کرنا نہایت مشکل ثابت ہوا ہے۔

یا د رہے امریکی صدر ڈونلڈ ٹرمپ نے یکم جون سے یورپی یونین پربھی 50 فیصد تجارتی ٹیرف عائد کرنےکی تجویز دے دی ہے۔