لاہورمیں مقابلہ حسن کا انعقاد، پرکشش مرد و خواتین اور شوبز شخصیات کی بھر پور شرکت

لاہور:صوبائی دارالحکومت لاہور میں مقابلہ حسن کا انعقاد کیا گیا  جس میں پرکشش مرد و خواتین نے حصہ لیتے ہوئے مختلف ٹائٹل اپنے نام کیے،جبکہ دیدہ زیب لباس زیب تن کیے خواتین نے ریمپ پر جلوہ گر ہو کر سحر طاری کر دیا۔

تفصیلات کے مطابق لاہور کے مقامی ہوٹل میں سالانہ مقابلہ حسن کا انعقاد کیا گیا جس میں ابھرتی ہوئی ماڈلز اور شوبز شخصیات نے شرکت خصوصی طور پر شرکت کی۔

مقابلہ حسن میں پرکشش ماڈلز نے ریمپ پر خوب جلوے بکھیرے،جبکہ تقریب میں معروف اداکارہ ،گلوکارہ فرحانہ مقصود خصوصی طور پر شریک ہوئیں۔

مقابلے میں مایہ صدیق نے ’مس پاکستان ورلڈ‘،دعائے خدیجہ نے ’مس پاکستان گلوبل‘، افشاں احمد نے’ مس پاکستان یونیورسل‘ ، حفصہ نواز نے’ مس پاکستان یونیورس‘، فضا فاطمہ نے’ مس پاکستان ورلڈ‘ ،صبا چودھری’ مس پاکستان‘ سپریم جبکہ حسن عبداللہ نے’ مسٹر پاکستان‘ کا ٹائٹل اپنے نام کیا۔

جی این این نیوز سے خصوصی گفتگو کرتے ہوئےتقریب میں حصہ لینے والی خواتین کا کہنا تھا کہ ہمارا مقصد پاکستان  اور اسکے خوبصورت کلچر کی عالمی سطح پر پذیرائی ہے، جبکہ مقابلے میں شریک دیگر شخصیات نے کہا کہ عالمی مقابلوں میں اب پاکستانی خواتین بھی شرکت کر رہی ہیں جو کہ خوش آئند ہے۔

تقریب میں شریک ماڈلز کو ٹائٹل کے ساتھ تاج بھی پہنائے گئے،،مختلف شخصیات کو ایوارڈز سے بھی نوازا گیا۔