بنگلہ دیش کی نئی کرنسی سے شیخ مجیب الرحمان کی تصویر ہٹا دی گئی

بنگلہ دیش کی نئی کرنسی سے شیخ مجیب الرحمان کی تصویر ہٹا دی گئی۔

میڈیا رپورٹس کے مطابق بنگلہ دیشی حکام نے اتوار کے روز اپنے نئے کرنسی نوٹس جاری کیے جس میں دہائیوں بعد بنگلادیش کے بانی اور سابق صدر شیخ مجیب الرحمن کی تصویر شامل نہیں۔نئے نوٹوں کی ڈیزائن میں تبدیلی کا مقصد پچھلے کرنسی ڈیزائن سے انحراف ہے۔

ایسا پہلی بار ہوا ہے کہ بینک نوٹ کے ڈیزائن میں اہم تبدیلی کی گئی ہے. بنگلہ دیش کے مرکزی بینک کے ترجمان آرف حسین خان کے مطابق نئی کرنسی سیریز میں کسی شخصیت کی تصویر شامل نہیں کی گئی۔اس کے بجائے، نوٹوں پر قدرتی مناظر، تاریخی یادگاریں، مندروں، محلوں اور ملک کے ثقافتی ورثے کے مختلف پہلو دکھائے گئے ہیں۔

ترجمان کے مطابق ابھی 20، 50 اور 1000مالیت کے نوٹ جاری کیے گئے ہیں، جبکہ باقی قیمتوں کے نوٹوں کا اجراء آئندہ مراحل میں کیا جائے گا۔ موجودہ کرنسی نوٹ اور سکوں کی گردش جاری رہے گی۔