جنوبی افریقی بلے باز ہنرک کلاسن نےاچانک انٹرنیشنل کرکٹ سے ریٹائرمنٹ لے لی

کیپ ٹاؤن: جنوبی افریقہ کے مایہ ناز بلے باز ہنرک کلاسن نے اچانک انٹرنیشنل کرکٹ سے ریٹائر منٹ لے لی۔

سوشل میڈیا پر جاری پوسٹ میںپروٹیز بلے باز ہنرک کلاسن نے لکھا کہ میرے لیے بڑا افسوسناک دن ہے، آج میں نے انٹرنیشنل کرکٹ سے راہیں جدا کرلی ہیں ۔

انہوںنےاپنے بیان میں مزید بتایا کہ یہ میرے لیے ایک مشکل فیصلہ تھا اور مجھے یہ فیصلہ کرنے میں کافی وقت لگاکہ میرے مستقبل اورمیری فیملی کیلئے کیا اچھا ہے،ان کا کہنا تھا کہ پہلے دن سے ہی میرے لیے اپنے ملک کی نمائندگی کرنا بڑے اعزازکی بات رہی ہے، میرے سینے پر لگا جنوبی افریقا کا بیج میرےلیے، اور  میرے کیرئیر کے دوران کا سب سے بڑا اعزاز رہے گا۔

ہنرک کلاسن کا کہنا تھا کہ اب مجھے اپنی فیملی کے ساتھ وقت گزارنے کا موقع ملے گا، میں تمام لوگوں اور اپنی ٹیم کے ساتھ ارکان کا سپورٹ کرنے پر شکرگزار ہوں۔

واضح رہے کہ ہنرک کلاسن نے 4 ٹیسٹ، 60 ون ڈے اور 58 ٹی ٹوئنٹی میچز میں جنوبی افریقا کی نمائندگی کی ہے۔

خیال رہے کہ آج ہی کینگروز مایہ ناز بلے باز گلین میکسوئل نے بھی ایک روزہ کرکٹ سے ریٹائر منٹ کا اعلان کیا تھا۔