بلوچستان ، پاکستان کا حصہ ہے اور کبھی پاکستان سے الگ نہیں ہو سکتا: ڈی جی آئی ایس پی آر

 ڈی جی آئی ایس پی آر نے  HILAL TALKS میں اساتذہ سے خصوصی گفتگو میں  کہا کہ بلوچستان ، پاکستان کا  حصہ ہے اور کبھی پاکستان سے الگ نہیں ہو سکتا۔

ڈی جی آئی ایس پی آر لیفٹننٹ جنرل احمد شریف چوہدری کا کہنا تھا کہ ہندوستان اور ہندوستانی   پراکسیز  پورے خطے کے لیے خطرہ ہیں۔، بی ایل اے ( فتنہ الہندوستان  ) کو ہندوستان سے مکمل مالی معاونت حاصل ہے۔

ڈی جی آئی ایس پی آر کا کہنا تھا کہ بلوچستان میں جو دہشتگردی ہو رہی ہے اس کے پیچھے نہ ہی تو کوئی نظریہ اور نہ ہی کوئی تصور بلکہ یہ صرف ہندوستان کی طرف سے اسپانسرڈ شدہ  ہے،ہندوستان افغانستان کےراستے کالعد م بی ایل اے کے لوگوں کو پاسپورٹ دیتا ان کی ٹریننگ کرتا ہے ۔
کشمیر کے حوالے سے بات کرتے ہوئے ترجمان پاک فوج کا کہنا تھا کہ پاکستانیوں اور کشمیریوں کے درمیان مذہب ،اور تہذیب کا تعلق ہے انشا اللہ وہ دن ضرور آئے گا جب کشمیر پاکستان کا حصہ بنے گا۔
ترجمان پاک فوج نے کہا کہ پاکستان کی عوام اور مسلح افواج کے درمیان کوئی فاصلہ نہیں وہ ایک پیج پر ہیں۔

اور انہوں نے کہا کہ بلوچسان میں دہشت گردی کروانے والے ہندوستان کے زر خرید غلام ہیں اور پاکستان ہندوستان کے ان ہتھکنڈوں سے کبھی نہیں ڈرے گا ۔ 

 کشمیر بنے گا پاکستان ، ⁠عوام سے افواج ہیں اور افواج سے عوام ۔ یہ محبت کا لازوال رشتہ ہمیشہ قائم دائم رہے گا ۔ انشاء اللّٰہ ، ⁠ پاکستان ہمیشہ زندہ باد!