آئی سی سی ٹی ٹونٹی رینکنگ جاری، پاکستانی کھلاڑی ٹاپ ٹین میں جگہ بنانے میں ناکام 

دبئی: عالمی کرکٹ کونسل (آئی سی سی) نے نئی ٹی20 رینکنگ جاری کر دی،جس کے ٹاپ 10 میں کوئی بھی پاکستانی کھلاڑی جگہ نہیں بناسکا۔

آئی سی سی کی تازہ ترین رینکنگ کےمطابق آسٹریلوی بیٹر ٹریوس ہیڈ کا پہلا،بھارت کے ابھیشک شرما دوسرے نمبر پر آگئےجبکہ پاکستان کےبابراعظم 12 ویں، محمد رضوان 13 ویں نمبر پر موجود ہیں۔ 

اسی طرح بولرز رینکنگ میں نیوزی لینڈ کے جیکب ڈفی کی پہلی پوزیشن برقرار ہے،انگلینڈ کےعادل رشید 2 درجہ بہتری کے بعد دوسرے نمبر پر آگئے اور بھارت کے ورون چکرورتی کی تیسری پوزیشن برقرار ہے۔

ٹاپ 10 ٹی ٹوئنٹی بولرز میں پاکستان کا کوئی کھلاڑی شامل نہیں،جبکہ حارث رؤف کی 19ویں اور عباس آفریدی کی 20 ویں پوزیشن ہے۔

 اس کے علاوہ ٹی 20 آل راؤنڈرز رینکنگ میں بھارت کے ہاردک پانڈیا کی پہلی پوزیشن برقرار ہے۔