یواے ای سفر کرنے والوں کیلئے بری خبر

غیر ملکی خبر رساں ادارے کے مطابق یو اے ای کی ہدایت پر "امریٹس "   نے پاکستان، بھارت، سری لنکا اور بنگلادیش سے آنے والی پروازوں پر عائد پابندی میں  مزید 10 روز کی توسیع کردی ہے یہ پابندی  21 جولائی تک رہے گی۔ سفری پابندی میں توسیع  کی وجہ کورونا کی بھارتی قسم ڈیلٹا   کا تیزی سے پھیلاؤ  ہے۔

وہ مسافر جنہوں نے  نے پاکستان، بھارت، بنگلادیش یا سری لنکا کا 14 دن کے اندر دورہ کیا ہو اور ان ممالک کے علاوہ کسی اور ملک سے متحدہ عرب امارت آنا چاہتے ہوں انکو بھی یو اے ای داخلے کی اجازت نہیں ہوگی۔

اماراتی شہریوں، اماراتی گولڈن ویزہ رکھنے والے غیرملکی اور سفارتی مشن کے افراد کو پابندی سے استثنیٰ حاصل ہوگا۔ جن لوگوں کی پروازیں معطل ہوئی ہیں ان کے ٹکٹس پرواز کی بحالی تک قابل استعمال رہیں  گے۔