شہری کورونا کی ایک سے زائد قسم کی ویکسین نہ لگوائیں، عالمی ادارہ صحت کاانتباہ

تفصیلات کے مطابق عالمی ادارہ صحت نے پیر کو مختلف مینوفیکچررز سے COVID-19 ویکسین  کی آمیزش اوراس کی مختلف  اقسام بارے  مشورہ دیتے ہوئے اسے ایک "خطرناک رجحان" قرار دیا ہے ۔ عالمی ادارہ صحت  کی چیف سائنسدان ڈاکٹر سومیا سوامی ناتھن نے کہا ہے کہ مختلف کمپنیوں کی ویکسینز لگوانا خطرناک ہے۔ کیونکہ اس کے انسانی  صحت  پر  اثرات کے بارے میں ابھی زیادہ معلومات دستیاب نہیں ہیں۔

آن لائن بریفنگ میں ڈاکٹر سومیا سوامی ناتھن نے کہا کہ  لوگوں میں الگ الگ دواساز کمپنیوں کی ویکسین ‏کو ملانے کا رجحان بغیر کسی ٹھوس شواہد اور کم تجرباتی ڈیٹا کی بنیاد پر پروان چڑھ رہا ہے،  اگر لوگ خود فیصلہ کرنے لگیں کہ انہیں مزید ویکسین لگوانی ہے تو اس سے افراتفری پیدا ہوگی۔ یہ ‏ممالک میں انتشار کی صورتحال کو جنم دے سکتا ہے کہ شہری اپنے طور پر فیصلہ کرنے لگ ‏جائیں کہ کون دوسری، تیسری اور چوتھی اور کس قسم کی خوراک لے گا۔

عالمی ادارہ صحت کی جانب سے یہ بیان ایسے وقت میں سامنے آیا ہے جب مختلف ممالک کی ‏جانب سے یہ بات سامنے آئی تھی کہ دو مختلف قسم کی کورونا ویکسین کی الگ الگ خوراکیں ‏لی جا سکتی ہیں۔

دوسری جانب عالمی ادارہ صحت نے دو چینی ویکسینز کوکوویکس کاحصہ بنالیا ہے ،  یہ ویکسینزجولائی سے دستیاب کی جائیں گی۔  ڈبلیو ایچ او کے چیف سائنسدان   نے  پریس کانفرنس  میں عالمی ویکسین الائنس نے سائنوفارم ویکسین  اورکوروناویک  کےپیشگی خریداری کے معاہدوں پر دستخط کرلئے۔

خیا ل رہے کہ عالمی ادارہ صحت کی جانب سے فائزربائیو این ٹیک، ایسٹرازینیکا، جانسن اینڈ جانسن، سائنو فارم اور موڈرنا ، سائنوفام کی کووڈ ویکسینز کی منظوری دی جاچکی ہے۔