اسرائیل اور ایران دونوں نے جنگ بندی کی خلاف ورزی کی ہے،میں ان سےخوش نہیں ہوں،ٹرمپ

واشنگٹن ڈی سی: امریکی صدر ڈونلڈ ٹرمہ نے کہا ہے کہ ایران اور اسرائیل سے خوش نہیں ہے ان دونوں نے جنگ کی خلاف ورزی کی ہے۔

تفصیلات کے مطابق میڈیا سے گفتگو کرتے ہوئے امریکی صدر ڈونلڈ ٹرمپ نے کہا کہ ہم نے ایران کی جوہری صلاحیتوں کو تباہ کر دیا ہے، ایران کبھی بھی اپنا جوہری پروگرام دوبارہ نہیں بنائے گا۔ 

انہوں نے مزید کہا کہ ہمارے بی 2 بمبار کے پائلٹس نے بہترین کام کیا مگر سی این این جھوٹی اور من گھڑت خبریں پھیلا رہا ہے۔

انہوں نے کہا کہ مجھے یہ پسندنہیں آ یاکہ اسرائیل نے جنگ بندی پر رضامندی کے فوراً بعد حملے کیے۔ 

اپنے بیان میں انہوں نےاسرائیل کو صبر اور تحمل سے کام لینے کا مشورہ دیا،امریکی صدر نے اسرائیل کو دوٹوک حکم دیتے ہوئے کہا ہے کہ ابھی اپنے پائلٹس واپس بلاؤ، بم نہ گرانا  اگر ایسا کیا تو یہ جنگ بندی کی بڑی خلاف ورزی ہوگی۔ 

واضح رہے کہ ایران کی جانب سے گزشتہ رات قطر میں امریکی فوجی اڈے العدید پر میزائل حملے کے چند گھنٹے بعد امریکی صدر نے اعلان کیا تھا کہ ایران اور اسرائیل جنگ بند پر آمادہ ہوگئے ہیں۔