این سی او سی کا اجلاس، بیرون ملک پھنسے پاکستانیوں کیلئے بڑا فیصلہ

تفصیلات کے مطابق این سی او سی کے اجلاس میں پاکستان میں اب تک دو کروڑسے زائد ویکسین  ڈوزز لگانے کا سنگ میل عبور کرنے کا اعتراف کیا گیا ہے،جبکہ گزشتہ روز پانچ لاکھ پچیس ہزار سے زائد افراد کو ویکسین لگائی گئی۔

یکم جولائی سے لے کر اب تک چالیس لاکھ سے زائد ویکسین کی خوراکیں دی جا چکی ہیں ۔

مزید پڑھیں : وزیر اعظم نے مونس الہی کو وفاقی وزیر بنانے کی منظوری دیدی

مزید پڑھیں : افغان طالبان کی افغانستان نہ چھوڑنے پر ترک فوج کو دھمکی

کورونا ایس اوپیز پہ عمل درآمد کیلئے قانون نافذ کرنے والے اداروں بشمول پاکستان آرمی سے مدد لینے کا فیصلہجیا گیا ہے ۔

بیرون ملک پھنسے پاکستانیوں کو نکالنے کے لئیے این سی او سی نے بڑا فیصلہ کرتے ہوئے بین الاقوامی فلائیٹ آپریشن  کو بڑھا کر 50فیصد کر دیا ہے،فیصلے کا اطلاق 15 جولائی سے ہو گا ۔

اس اضافے سے روزانہ مزید 2500 سے 3000 افراد پاکستان آ سکیں گے ۔اس ضمن میں اضافی انتظامات کے لئے تمام  ایئرپورٹ اور متعلقہ اداروں کو ضروری اقدامات کی ہدایات جاری ہے۔

یکم اگست سے اندرون ملک ہوائی سفر کے لئے ویکسین لازمی شرط قرار دے دی جائے گی ، جبکہ عید کی چھٹیوں کے دوران سیاحتی مقامات کی طرف جانے والے تمام راستوں پر سخت چیکنگ کی ہدایات اورتمام سیاحتی مقامات پہ جانے والے افراد کے لئے ویکسینیشن لازمی شرط قرار دے دی گئی ہے۔

کورونا وبا کے پھیلاؤ کو روکنے کے لئیےمختلف علاقوں میں  ہیٹ میپس کی مدد سے سمارٹ لاک  ڈاؤنز کا نفاذ جاری ہے جبکہ کورونا ایس او پیز کی خلاف ورزی پر اسلام آباد ، ملتان ، پشاور، گجرانوالہ میں انتظامیہ کا کریک ڈاؤنا جاری ہے۔خلاف ورزی کرنے والے ہوٹلوں کو سیل کر دیا گیا ہے۔