نیب نے وزیرخزانہ کا بیان بے بنیاد،من گھڑت اورحقائق کے منافی قرار دیدیا

تفصیلات کے مطابق ترجمان  قومی احتساب بیورو (نیب )نے   وزیرخزانہ شوکت ترین کا بیان کہ" نیب کی وجہ سے بیوروکریسی ‏کام نہیں کررہی" کی تردید‎ ‎کرتے ہوئے  ، وزیرخزانہ کا بیان بے بنیاد،من گھڑت اورحقائق کے منافی قرار دیدیا۔

نیب نے وضاحت کی ہے کہ  نیب کے اس وقت1273 ریفرنسزمعززاحتساب عدالتوں میں زیرسماعت ہیں، ‎ ‎ریفرنسزکی مالیت تقریباَ 1300ارب روپے ہے ان میں سے بیوروکریسی کے خلاف ‏مقدمات نہ ہونے کے برابر ہیں ،اس کے باوجود تواتر کے ساتھ نیب کے خلاف پروپیگنڈاکیا جا رہا ہے۔

ترجمان نیب‎ ‎کا کہنا ہے کہ ‎ ‎پروپیگنڈا کا مقصد نیب پرالزام تراشی اوربیوروکریسی کی حوصلہ شکنی کرنا مقصود ‏ہے، ‎‎ ‎بیوروکریسی کسی بھی ملک کیلئے ریڑھ کی ہڈی کی حیثیت رکھتی ہے،‎قومی احتساب بیورو بیوروکریسی کا نہ صرف احترام کرتا ہے بلکہ ان کی خدمات کو ‏قدر کی نگا ہ سے دیکھتا ہے، چئیرمین نیب جاوید اقبال اعلی عدلیہ سمیت ملک کے مختلف اداروں میں اہم ذمہ داریاں ‏سر انجام دے چکے ہیں۔

 ترجمان نیب‎ ‎ نے مزید کہا کہ ‎ ‎چیئرمین نیب بیوروکریسی کے مسائل سے بخوبی آگاہ ہیں،‎چیئرمین نیب نے2017 میں  منصب کی ذمہ داریاں سنبھالنے کے بعد بیوروکریسی ‏سے خطاب کیا، نیب کا مذکورہ وزیر کو مشورہ ہے کہ وہ نیب آرڈیننس کا مکمل جائزہ لیں، ‎نیب آرڈیننس کی منظوری معزز پارلیمنٹ نے دی ہے ، معزز سپریم کورٹ آف پاکستان اسفند یارولی کیس میں نیب آرڈیننس کا مکمل جائزہ لے ‏چکی ہے۔