آرمی چیف سے تاجکستان کے وزیر دفاع کی جی ایچ کیو میں ملاقات

پاک فوج کے شعبہ تعلقات عامہ (آئی ایس پی آر ) کا کہنا ہے کہ آرمی چیف جنرل قمر جاوید باجوہ اور  تاجکستان کے وزیر دفاع کی ملاقات میں  باہمی دلچسپی کے امور،  علاقائی سلامتی اور افغانستان میں تازہ صورتحال پر گفتگو کی گئی۔

آئی ایس پی آر کے مطابق   تاجک افغان بارڈر کی صورتحال  اور پاک تاجکستان دفاعی تعلقات میں اضافہ سمیت مختلف امور پر بات چیت کی گئی۔

اس موقع پر آرمی چیف جنرل قمر جاوید باجوہ ن نے کہا کہ  پاکستان  تاجکستان کے ساتھ اپنے برادرانہ تعلقات کو بہت قدر کی نگاہ سے دیکھتا ہے،  پاک تاجک تعلقات باہمی احترام ، ثقافت،مشترکہ عقائد ریجنل امن اور سلامتی پر مشترکہ نکتہ نظر  کی بنیاد ہر قائم ہیں۔

آئی ایس پی آر  کا کہنا ہے کہ  آرمی چیف نے علاقائی روابط کے حوالے سے تاجکستان کے کردار کو سراہا اور تاجک وزیر دفاع نے علاقائی امن،  استحکام اور افغان امن عمل کے حوالے سے پاکستان کے کردار کو  بھی سراہا ہے۔جنرل قمر جاوید باجوہ نے دونوں ملکوں کے درمیان تعلقات کو مزید مستحکم کرنے کے عزم کو دہرایا۔