شبلی فراز کی طبیعت ناساز، اوپن ہارٹ سرجری پر غور ، ڈاکٹروں کی 10 رکنی ٹیم تشکیل
ڈاکٹرز کا کہنا ہے کہ حتمی فیصلہ کچھ اہم ٹیسٹ رپورٹس موصول ہونے کے بعد کیا جائے گا، تاہم اوپن ہارٹ سرجری ایک ممکنہ آپشن کے طور پر زیر غور ہے

پشاور: سینیٹ میں قائد حزب اختلاف اور پاکستان تحریک انصاف کے رہنما سینیٹر شبلی فراز دل کی تکلیف کے باعث پشاور انسٹی ٹیوٹ آف کارڈیالوجی (پی آئی سی) میں زیر علاج ہیں، جہاں ماہر ڈاکٹروں پر مشتمل 10 رکنی ٹیم ان کا طبی معائنہ کر رہی ہے۔ ذرائع کے مطابق شبلی فراز کی اوپن ہارٹ سرجری پر سنجیدگی سے غور کیا جا رہا ہے۔
میڈیکل ذرائع کے مطابق ان کے دل کی ایک بڑی شریان پر ’مسلز بریج‘ موجود ہے، جس کے باعث خون کی روانی متاثر ہو رہی ہے اور انہیں ہارٹ اٹیک کا خطرہ لاحق ہے۔ انہیں وقتاً فوقتاً سینے میں درد اور ہائی بلڈ پریشر کی شکایات بھی رہی ہیں۔
ڈاکٹرز کا کہنا ہے کہ حتمی فیصلہ کچھ اہم ٹیسٹ رپورٹس موصول ہونے کے بعد کیا جائے گا، تاہم اوپن ہارٹ سرجری ایک ممکنہ آپشن کے طور پر زیر غور ہے۔
اس حوالے سے شبلی فراز نے میڈیا سے گفتگو کرتے ہوئے کہا کہ انہیں کافی عرصے سے دل کی تکلیف تھی لیکن مناسب احتیاط نہیں کی۔ انہوں نے تسلیم کیا کہ نہ تو ادویات باقاعدگی سے لیں اور نہ ہی ذہنی دباؤ سے خود کو بچایا۔ ان کا کہنا تھا کہ اب وہ اپنی صحت کا بھرپور خیال رکھیں گے، اور عوام سے دعا کی اپیل بھی کی۔
واضح رہے کہ شبلی فراز کو دو روز قبل سینے میں شدید تکلیف کے بعد پی آئی سی پشاور منتقل کیا گیا تھا، جہاں ان کا علاج جاری ہے۔

پیٹرول اور ڈیزل کی نئی قیمتوں کا اعلان
- 2 days ago

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- a day ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 days ago

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 days ago

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 days ago

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 days ago

پاکستان میں فی تولہ سونا ہزاروں روپے سستا ہوگیا
- a day ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 days ago

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- a day ago

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 days ago

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 days ago

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- a day ago



