پاکستانی یوٹیوبر رجب بٹ کے خلاف مقدمات کی فہرست میں ایک اور اضافہ

پاکستانی یوٹیوبر رجب بٹ کے خلاف مقدمات کی فہرست میں ایک اور اضافہ

لاہور کی سیشن عدالت میں مشہور پاکستانی یو ٹیوبر رجب بٹ کے خلاف مقدمہ درج کرنے کی درخواست دائر کر دی گئی۔ رپورٹ کے مطابق شہری شہزادہ عدنان نے اپنے وکیل کے توسط سے دائر درخواست میں موقف اپنایا کہ یوٹیوبر نے سوشل میڈیا پر جاری کردہ اپنی ویڈیو میں صحابہ کی شان میں گستاخانہ الفاظ کا استعمال کئے ہیں۔

درخواست میں بتایا گیا کہ رجب بٹ کے خلاف نیشنل سائبر کرائم انویسٹی گیشن ایجنسی(این سی سی آئی اے) سے رجوع کیا تاہم مقدمہ درج نہیں کیا گیا۔ عدالت این سی سی آئی اے کو مقدمہ درج کرنے کا حکم دے۔

ایڈیشنل سیشن جج نے درخواست پر کاروائی کرتے ہوئے نوٹسز جاری کردیے۔ یاد رہے کہ اس سے قبل بھی رجب بٹ کو مختلف مقدمات کا سامنا رہا ہے۔

اس نئی متنازع ویڈیو کے بعد رجب بٹ نے سوشل میڈیا پر جہاز میں سفر کے دوران ایک اسٹوری پوسٹ کی جس میں انہوں نے اپنے مداحوں کو مشورہ دیتے ہوئے لکھا کہ "اگر مشہور ہونا ہے تو پاکستان سے باہر جاکر ہونا"۔