اداکارہ حمیرا علی کے چچا محمد علی نے اہم انکشافات کر دئیے

ویب ڈیسک: حال ہی میں شہر قائد کے پوش علاقے ڈیفنس کے  ایک فلیٹ میں مردہ حالت میں پائے جانی والی اداکارہ حمیر ا اصغر کے متعلق ان کے چچا محمد علی نے اہم انکشافات کیے ہیں۔

میڈیا سے گفتگو میں اداکارہ حمیرا کے چچا محمد علی نے بتایا کہ کافی عرصے سے رابطہ نہیں تھا اور ہمیں اُس کے گھر کے بارے میں بھی کچھ معلوم نہیں تھا، وہ شوبز میں آگے جانا چاہتی تھی، وہ کراچی تو گئی لیکن والدین اس پر رضامند نہیں تھے۔

میڈیاسے گفتگو میں انہوں نے مزید بتایا کہ کبھی کبھار فون پر رابطہ ہوجاتا تھا اور وہ ہر دو تین ماہ بعد جب بھی لاہور آتی تھی تو اپنے والدین سے ضرور ملتی تھی،لیکن اب اس کا فون بند ہوا تو ہمارا کوئی رابطہ نہیں ہوسکا۔ ہمیں اس کے گھر کا بھی اتا پتا معلوم نہیں تھا۔

حمیرا کے چچا نے سوشل میڈیا پر زیر گردش خبر کو جھوٹا قرار دیتے ہوئے کہا کہ اداکارہ کا اپنے والدین سے جائیداد کے معاملے پر کوئی جھگڑا تھا۔

خیال رہے کہ اداکارہ حمیرا اصغر کی لاش کراچی کے علاقے ڈیفنس سے ان کے فلیٹ سے ملی تھی جہاں وہ 2018 سے کرائے پر اکیلی رہ رہی تھیں۔

میڈیا رپورٹس کے مطابق اداکارہ کا ستمبر 2024 سے کسی کے ساتھ کوئی رابطہ نہیں تھا اور مالک مکان نے بھی فلیٹ خالی کروانے کے لیے عدالت سے رجوع کر رکھا تھا۔