عالمی شہرت یافتہ فیشن ڈیزائنرمحمود بھٹی نے فرانسیسی خاتون کے حوالے سے وضاحتی بیان جاری کردیا

ویب ڈیسک :بین الاقوامی فیشن ڈیزائنر محمود  بھٹی نے فرانسیسی خاتون کے حوالے سے وضاحتی بیان جاری کرتے ہوئے کہا ہے کہ اسلام آباد میں ملنے والی فرانسیسی خاتون اہلیہ نہیں،صرف دوست ہے۔

 محمود بھٹی نے کہا کہ فرانس کے قومی دن کے موقع پر اسلام آباد میں فرانسیسی سفارتخانہ میں ہونے والی تقریب میں ملنے والی فرانسیسی خاتون دوست ہے،میری اہلیہ نہیں ہے۔

انہوں نے مزید کہا کہ چند منفی عناصر میرے خلاف مہم چلائے ہوئے ہیں، اس فرانسیسی خاتون سے تعلق صرف دوستی کی حد تک ہے۔ 

اپنے بیان میں مزید کہا کہ ملک کی فیشن انڈسٹری روشن ہے نوجوانوں کا اس طرف آنا خوش آئند ہے، حکومت سے گزارش کرتا ہوں وہ نوجوانوں کو مواقع فراہم کریں اور انہیں آگے آنے میں مدد دیں۔

خیال رہے کہ چند روز قبل محمود بھٹی  اور فرانسیسی خاتون کے درمیان ہونے والی ملاقات کو لے کر فیشن ڈیزائنر کے متعلق مختلف قسم کے بیانات اور افواہیں سر گرم تھیں تا ہم انہوں نے آج وضاحتی بیان جاری کرتے ہوئے معاملہ واضح کر دیا ہے۔