پی ایس ایل 6 کیلئے غیر ملکی کھلاڑیوں کی آمد کا سلسلہ شروع

جی این این کے مطابق پاکستان سپر لیگ مکے چھٹے ایڈیشن میں شرکت کے لیے کراچی کنگز کے چیڈوک والٹن اور نوراحمد کراچی پہنچ گئے۔پشاور زلمی کے ڈیرن سمی کی آمد آج بھی متوقع ہے ؕ۔ ذرائع کے مطابق فرنچائزکےاسکواڈ مکمل ہونے پر کورونا ٹیسٹ ہوں گے۔رپورٹ کلیئر آنے پر کھلاڑی اور آفیشلز بائیوسکیور ببل میں جائیں گے۔ذرائع نے بتایا کہ فرنچائز ٹیمیں آئندہ دو سے تین روز میں ٹریننگ سیشنز شروع کردیں گی۔کراچی کنگز اعزاز کا دفاع کریں گے۔

واضح رہے کہ پی ایس ایل کا چھٹا سیزن 20 فروری سے کراچی میں شروع ہورہا ہے، جس کے ابتدائی 20 میچز شہر قائد میں کھیلےجائیں گے جبکہ آخری 14 میچز لاہور میں ہوں گے۔رواں سیزن میں پی ایس ایل میچز میں 20 فیصد شائقین کو اسٹیڈیم آنے کی اجازت ہوگی۔

 پی سی بی اور این سی او سی حکام کے درمیان ہونے والے مذاکرات کے مطابق کراچی میں ہونے والے پی ایس ایل کے گروپ میچز کیلئے7500شائقین کرکٹ کو میدان میں آنے کی اجازت ہوگی جبکہ لاہورمیں ہونےوالےمیچزکیلئے5500شائقین کواجازت ملےگی۔