شہریوں کیلئے اچھی خبر،بجلی کی قیمتوں میں کمی کا امکان

اسلام آباد: مہنگائی کی ستائے عوام کے لیے اچھی خبر سامنے آئی ہے بجلی کی فی یونٹ قیمت میں کمی ہونے کا امکان ہے۔

تفصیلات کے مطابق ملک بھر کے صارفین کے لیے بجلی 65پیسے فی یونٹ سستی ہونے کا امکان ہے۔

اس حوالے سے سی پی پی اے نے جون کی ماہانہ فیول ایڈجسٹمنٹ کے تحت نیپرا میں درخواست دائر کردی جس میں جون کےلیے 65 پیسے بجلی فی یونٹ سستی کرنے کی درخواست کی گئی ہے۔ 

ذرائع کے مطابق نیشنل الیکٹرک پاور ریگولیٹری اتھارٹی (نیپرا) 30 جولائی کو درخواست پر سماعت کرے گا۔

سی پی پی اے کے مطابق جون میں بجلی کمپنیوں کو13ارب31کروڑیونٹس سےزائدبجلی فراہم کی گئی جبکہ بجلی کی فی یونٹ لاگت 7 روپے 68 پیسے فی یونٹ رہی۔

سی پی پی اے کا مزید کہنا ہے کہ ماہ جون کے لئے ریفرنس لاگت8 روپے 33 پیسے فی یونٹ مقرر تھی۔

تاہم بجلی کی قیمتوں میں کمی کایہ اطلاق لائف لائن اور کراچی کے بجلی صارفین پر نہیں ہوگا۔