محکمہ موسمیات کی 28 سے 31 جولائی تک ملک کے بیشتر اضلاع میں مزید بارشوں کی پیشگوئی

ویب ڈیسک:  محکمہ موسمیات نے ملک بھر میں 28 سے 31 جولائی تک مزید بارشوں کی پیش گوئی کر دی۔

محکمہ موسمیات کے مطابق مون سون ہوائیں ملک کے بالائی علاقوں میں داخل ہوں گی، اسلام آباد سمیت مختلف شہروں میں وقفے وقفے سے بارش ہوگی۔

محکمہ موسمیات کے مطابق بارشوں کی توقع مری، گلیات، اٹک، چکوال، جہلم، منڈی بہاوالدین، گجرات، گجرانوالہ اور حافظ آباد میں ہے۔ اس کے علاوہ شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، خوشاب، سرگودھا، میانوالی، ننکانہ صاحب، چنیوٹ، فیصل آباد اور اوکاڑہ میں بھی بارش متوقع ہے۔

اس کےعلاوہ کشمیر اور گلگت بلتستان میں بھی وقفے وقفے سے موسلادھار بارشوں کی پیش گوئی کی گئی ہے،جبکہ 29 سے 31 جولائی کے دوران بلوچستان اور 30 سے31 جولائی کے دوران سندھ کے بعض شہروں میں بھی گرج چمک کے ساتھ بارش کا امکان ہے۔

اسی طرح 28 تا 31 جولائی کے دوران خیبرپختونخوا کے مختلف علاقوں میں بارش اور آندھی کی پیشگوئی کی گئی ہے۔