برطانیہ، جرمنی اور فرانس کا غزہ میںایک دفعہ پھر فوری امداد پہنچانے اور جنگ بندی کا مطالبہ

لندن: برطانیہ ،جرمنی اور فرانس نے ایک دفعہ پھر غزہ میں فوری امدادی سامان پہنچانے اور جنگ بندی کا مطالبہ کیا ہے۔

غیر ملکی میڈیا رپورٹ کے مطابق برطانوی وزیراعظم کیئر اسٹارمر نے ٹیلی فون پر جرمن چانسلر فریڈرک مرز اور فرانسیسی صدر میکرون سے گفتگو کی جس میں مشرق وسطیٰ میں بڑھتی کشیدگی پر تبادلہ خیال کیا گیا۔

یورپی رہنماؤں نے مشترکہ بیان دیتے ہوئے فوری طور پر غزہ جنگ بندی کا مطالبہ کیا،اور کہا کہ اسرائیل فوری طورپرغزہ میں انسانی بنیادوں پر امداد پہنچانے کی بلا روک ٹوک اجازت دے۔

 تینوں رہنماؤں نے کہا وہ غزہ میں فوری جنگ بندی کے لیے کردار ادا کرنے کے لیے تیار ہیں۔

صدر میکرون کا کہنا تھا کہ ان کا ملک ستمبر میں فلسطینی ریاست کو تسلیم کرنے والی پہلا مغربی ملک بن جائے گا۔

دوسری جانب برطانوی وزیراعظم نے کہا فلسطین کو ریاست تسلیم کرنا وسیع تر امن منصوبے کا حصہ ہونا چاہیے،انہوں نےغزہ میں جاری تشدد، فوجی کارروائیوں اورانسانی امداد کی بندش کوناقابل قبول قراردیتے ہوئے واضح کیا کہ برطانیہ اپنے اتحادیوں کیساتھ مل کر ایسے مؤثراورقابلِ عمل امن منصوبے پرکام کررہا ہے جوتمام فریقوں کیلئے قابلِ قبول ہو۔

انہوں نے مزید کہا کہ فلسطینی عوام کی زندگی بہتر بنانا برطانوی حکومت کی اولین ترجیح ہے اورہم ایسا سیاسی حل چاہتے ہیں جو خطے میں دیرپا امن لا سکے۔