Advertisement

امریکا نے بھارت پر 25 فیصد اضافی ٹیرف اور نئی تجارتی پابندیاں عائد کر دیں

بھارت، جو دنیا کا تیسرا بڑا تیل درآمد کرنے والا ملک ہے، روس کا سب سے بڑا خام تیل خریدار بن چکا ہے۔ یہی خریداری یوکرین جنگ کے دوران روس کے لیے آمدنی کا ایک بڑا ذریعہ بن رہی ہے

GNN Web Desk
شائع شدہ 24 days ago پر Aug 6th 2025, 11:19 pm
ویب ڈیسک کے ذریعے
امریکا  نے  بھارت پر 25 فیصد اضافی ٹیرف اور نئی تجارتی پابندیاں عائد کر دیں

امریکی صدر ڈونلڈ ٹرمپ نے روس سے بڑھتی قربت پر بھارت کو "سزا" دیتے ہوئے اس پر مزید 25 فیصد ٹیرف اور نئی تجارتی پابندیاں عائد کر دی ہیں۔ اس اقدام کے بعد بھارت پر مجموعی امریکی ٹیرف کی شرح 50 فیصد تک پہنچ گئی ہے۔

وائٹ ہاؤس کے مطابق یہ فیصلہ صدر ٹرمپ کے جاری کردہ ایگزیکٹو آرڈر کے تحت کیا گیا، جس کا مقصد بھارت پر معاشی دباؤ بڑھانا ہے۔ ٹرمپ نے سوشل میڈیا پلیٹ فارم ایکس (سابقہ ٹوئٹر) پر لکھا "بھارت کو روسی تیل خریدنے کی قیمت چکانا ہوگی۔

صدر نے واضح کیا کہ روس سے قربت پر بھارت کو مزید تجارتی پابندیوں کا سامنا کرنا پڑے گا۔ ان کے بقول، یہ اقدامات بین الاقوامی ہنگامی اختیارات کے تحت نافذ کیے گئے ہیں۔

یاد رہے کہ گزشتہ روز ایک انٹرویو میں صدر ٹرمپ نے کہا تھا "بھارت ایک اچھا تجارتی پارٹنر نہیں رہا۔ وہ ہم سے بہت زیادہ تجارت کرتا ہے، لیکن ہم ان سے نہیں۔ اسی لیے ہم نے پہلے 25 فیصد ٹیرف عائد کیا تھا، اور اب میں اگلے 24 گھنٹوں میں اس میں نمایاں اضافہ کرنے جا رہا ہوں کیونکہ وہ روسی تیل کی خریداری جاری رکھے ہوئے ہیں۔

اس سے قبل 30 جولائی کو بھی ٹرمپ نے بھارت پر 25 فیصد ٹیرف لگانے کا اعلان کیا تھا، جبکہ روس سے فوجی ساز و سامان اور خام تیل کی مسلسل درآمد پر بھی بھارت کو جرمانے کا سامنا کرنا پڑا تھا۔

بھارتی وزارت خارجہ نے اس امریکی اقدام پر ردعمل دیتے ہوئے کہا کہ روس سے تیل کی خریداری کا فیصلہ 2022 میں یوکرین جنگ کے بعد لیا گیا تھا، جب امریکا اور یورپی یونین نے خود بھارت کو اس کی حوصلہ افزائی کی تھی تاکہ عالمی توانائی منڈی میں استحکام برقرار رکھا جا سکے۔

بھارتی بیان میں کہا گیا کہ اُس وقت روایتی سپلائیز یورپ کو منتقل ہو گئی تھیں، اور بھارت کے پاس روسی تیل خریدنے کے سوا کوئی چارہ نہ تھا۔ مزید کہا گیا کہ امریکا خود آج بھی روس سے جوہری صنعت کے لیے یورینیم ہیکسا فلورائیڈ، الیکٹرک گاڑیوں کے لیے پیلیڈیم، اور زرعی شعبے کے لیے کھاد اور کیمیکلز درآمد کر رہا ہے۔

بھارت، جو دنیا کا تیسرا بڑا تیل درآمد کرنے والا ملک ہے، روس کا سب سے بڑا خام تیل خریدار بن چکا ہے۔ یہی خریداری یوکرین جنگ کے دوران روس کے لیے آمدنی کا ایک بڑا ذریعہ بن رہی ہے۔

امریکا نے بھارت پر دیگر ممالک کی نسبت سخت اقتصادی اقدامات کیے ہیں۔ مثلاً ویتنام پر 20 فیصد، انڈونیشیا پر 19 فیصد، جبکہ جاپان اور یورپی یونین پر 15 فیصد ٹیرف عائد کیا گیا ہے۔

ٹرمپ نے بھارت کے برعکس پاکستان کو کچھ رعایت دی ہے۔ نئی پالیسی کے تحت پاکستان پر درآمدی ٹیرف کو 29 فیصد سے کم کر کے 19 فیصد کر دیا گیا ہے۔ یہ نئے تجارتی نرخ 7 اگست سے نافذ ہوں گے۔

Advertisement
حکومت کا سیلاب متاثرین کو بجلی بلوں میں ریلیف دینے کا فیصلہ

حکومت کا سیلاب متاثرین کو بجلی بلوں میں ریلیف دینے کا فیصلہ

  • 13 hours ago
ایس سی او اجلاس :وزیراعظم شہباز شریف 6 روزہ سرکاری دورے پر چین روانہ

ایس سی او اجلاس :وزیراعظم شہباز شریف 6 روزہ سرکاری دورے پر چین روانہ

  • an hour ago
صدر مملکت نے پاکستان لینڈ پورٹ اتھارٹی بل 2025 کی منظوری دے دی

صدر مملکت نے پاکستان لینڈ پورٹ اتھارٹی بل 2025 کی منظوری دے دی

  • 35 minutes ago
بنوں: دہشتگردوں کا بھاری ہتھیاروں سےپولیس چیک پوسٹ پر حملہ فوری جوابی کارروائی سے ناکام

بنوں: دہشتگردوں کا بھاری ہتھیاروں سےپولیس چیک پوسٹ پر حملہ فوری جوابی کارروائی سے ناکام

  • an hour ago
دریائے سندھ میں انتہائی اونچے درجے کے سیلاب کا خطرہ، این ڈی ایم اے کا ہنگامی الرٹ جاری

دریائے سندھ میں انتہائی اونچے درجے کے سیلاب کا خطرہ، این ڈی ایم اے کا ہنگامی الرٹ جاری

  • 13 hours ago
امریکا نے یوکرین کے لیے 179 ملین ڈالر کے فضائی دفاعی نظام کی منظوری دے دی

امریکا نے یوکرین کے لیے 179 ملین ڈالر کے فضائی دفاعی نظام کی منظوری دے دی

  • 2 hours ago
وزیر آباد میں فلڈ ریلیف کیمپ عارضی نکلا، مریم نواز کے دورے کے بعد متاثرین واپس، کیمپ بند

وزیر آباد میں فلڈ ریلیف کیمپ عارضی نکلا، مریم نواز کے دورے کے بعد متاثرین واپس، کیمپ بند

  • 13 hours ago
تحریک انصاف کے مزید ارکان کا کمیٹیوں سے استعفیٰ، پارٹی نے پارلیمانی عمل سے مکمل لاتعلقی اختیار کرلی

تحریک انصاف کے مزید ارکان کا کمیٹیوں سے استعفیٰ، پارٹی نے پارلیمانی عمل سے مکمل لاتعلقی اختیار کرلی

  • 13 hours ago
ایرانی صدر کا سیلاب متاثرین سے اظہارِ یکجہتی، پاکستان کو ہر ممکن مدد کی پیشکش

ایرانی صدر کا سیلاب متاثرین سے اظہارِ یکجہتی، پاکستان کو ہر ممکن مدد کی پیشکش

  • 13 hours ago
ملک میں ہفتہ وار مہنگائی کی شرح 3.57 فیصد تک جا پہنچی، ٹماٹر، آٹا اور چکن مزید مہنگے

ملک میں ہفتہ وار مہنگائی کی شرح 3.57 فیصد تک جا پہنچی، ٹماٹر، آٹا اور چکن مزید مہنگے

  • 13 hours ago
سیلابی صورتحال کے باعث بلوچستان سے اندرون ملک کیلئے ٹرین سروس معطل

سیلابی صورتحال کے باعث بلوچستان سے اندرون ملک کیلئے ٹرین سروس معطل

  • an hour ago
قصور: ستلج میں تاریخ کا سب سےخطرناک سیلاب، شہرکو بچانےکا چیلنج درپیش ،پنجاب کے متعدد علاقوں زیر آب

قصور: ستلج میں تاریخ کا سب سےخطرناک سیلاب، شہرکو بچانےکا چیلنج درپیش ،پنجاب کے متعدد علاقوں زیر آب

  • 39 minutes ago
Advertisement