خواہش ہے کہ مشرقِ وسطیٰ کے تمام ممالک ابراہم معاہدے میں شامل ہوں،ڈونلڈ ٹرمپ

واشنگٹن ڈی سی: امریکی صدر ڈونلڈ ٹرمپ نے کہا ہے کہ میری خواہش ہے کہ مشرقِ وسطیٰ (مڈل ایسٹ )کے تمام ممالک ابراہم معاہدوں میں شامل ہوں۔

تفصیلات کے مطابق امریکی صدر ڈونلڈ ٹرمپ نے اپنے حالیہ سوشل میڈیا پیغام میں  کہا ہے کہ انہوں نے محکمہ تجارت کو ہدایات جاری کر دی ہیں کہ وہ مردم شماری پر فوری طور پر کام کا آغاز کرے تاہم اس میں وہ غیر ملکی افراد شامل نہیں ہوں گے جو امریکہ میں رہائش پذیر ہیں۔

اپنے بیان میں صدر ٹرمپ نے واضح کیا کہ مردم شماری کا مقصد صرف امریکی شہریوں کا ڈیٹا جمع کرنا ہے اور غیر ملکیوں کو اس عمل سے الگ رکھا جائے گا۔ 

اس کے ساتھ ساتھ انہوں نے مشرقِ وسطیٰ کے حوالے سے بھی ایک اہم بیان دیا جس میں انہوں نے کہا کہ ان کی خواہش ہے کہ مشرقِ وسطیٰ کے تمام ممالک ابراہم معاہدوں میں شامل ہوں۔ 

سوشل میڈیا پر جاری بیان میں صدر ٹرمپ نے مزید کہا کہ ان کے لیے یہ معاملہ انتہائی اہمیت کا حامل ہے اور وہ چاہتے ہیں کہ خطے میں امن و استحکام کے لیے ابراہم معاہدے کو دیگر مملک تک وسعت دی جائے۔

یاد رہے کہ ابراہم معاہدہ وہ تاریخی معاہدہ ہے جن کے تحت متحدہ عرب امارات، بحرین، مراکش اور سوڈان جیسے ممالک نے اسرائیل کے ساتھ سفارتی تعلقات قائم کیے تھے، صدر ٹرمپ ان معاہدوں کو اپنی خارجہ پالیسی کی بڑی کامیابی قرار دیتے رہے ہیں۔