کوویکس کی فراہم کردہ آسٹرازینکا ویکسین کھیپ پاکستان پہنچ گئی

تفصیلات کے مطابق کوویکس کی فراہم کردہ مفت کورونا ویکسین  کی ایک اورکھیپ پاکستان پہنچ گئی، 12 لاکھ 40 ہزارکوروناویکسین  کی خوراکیں غیر ملکی ایئرلائن سےپاکستان پہنچائی گئیں ۔ کوویکس سے  پاکستان کو آسٹرازنیکا کی پہلی کھیپ 8 مئی کو ملی تھی  جس میں 12 لاکھ 38 ہزارآسٹرازنیکا ویکسین بھیجی گئی تھیں ۔‎اس سے قبل  کوویکس پاکستان کو تین کورونا ویکسین کھیپ فراہم کر چکا ہے۔

ذرائع وزارت صحت کا کہنا ہے کہ کوویکس کی فراہم کردہ کورونا ویکسین جنوبی کوریا کی تیارکردہ ہے، پاکستان کرونا وائرس سے متعلق عالمی اتحاد کوویکس کا رکن ملک ہے اور کوویکس پاکستان کی 20 فیصد آبادی کو مفت ویکسین فراہم کرے گا۔

یاد رہے نیشنل کمانڈ اینڈ آپریشن سینٹر کی جانب سے بیان میں کہا تھا کہ کوویکس پاکستان کو ویکسین تین مراحل میں فراہم کرے گا ، جون کے اختتام تک 17.1 ملین ویکسین فراہم کی جائیں گی، کوویکس پاکستان کو جون تک مجموعی طور پر 22.7ملین خوراکیں فراہم کرے گا۔واضح رہے کہ ملک بھر میں اب تک ملک  2 کروڑ سے زائد افراد کو انسداد کورونا ویکسین لگائی جا چکی ہے ۔