عمران خان کے خلاف نیب ریفرنس میں جائیداد نیلامی کے معاملے پر بڑی پیش رفت

پاکستان تحریک انصاف کے بانی عمران خان کے خلاف نیب ریفرنس میں جائیداد نیلامی کے معاملے پر بڑی پیش رفت سامنے آئی ہے اور اسسٹنٹ کمشنر سیکریٹریٹ کی جانب سے نیلامی کا اشتہار جاری کردیا گیا جب کہ سیکریٹری جنرل سلمان اکرم راجا نے کہا ہے کہ بنی گالہ رہائش گاہ کی مبینہ نیلامی کی خبر سامنے آئی ہے۔

اسسٹنٹ کمشنر سیکریٹریٹ کی جانب سے نیلامی کا اشتہار جاری کردیا گیا جس کے مطابق نیلامی نیب ریفرنس میں بمقام یونین کونسل بہارہ کہو ہوگی، نیلامی میں عمران خان کی موضع موہڑہ نور کی جائیداد کو پیش کیا جائے گا۔نیلامی میں 248 کنال 8 مرلے رقبہ اور 405 کنال 3 مرلے رقبہ نیلام کیا جائے گا، اشتہار کے مطابق نیلامی میں حصہ لینے والے افراد 50 لاکھ روپے کا پےآرڈر چیئرمین نیب کے نام جمع کرائیں، مذکورہ شخص نیلامی میں حصہ لینے سے پہلے جائیداد کا دورہ کرسکتا ہے۔

اشتہار میں کہا گیا کہ متعلقہ پٹواری نیلامی میں حصہ لینے والوں کو تمام تفصیلات فراہم کرے گا، ایولیوایشن کمیٹی کی جانب سے منظور کی گئی شرائط و ضوابط کے تحت نیلامی ہوگی،  نیلامی آج موضع بہارہ کہو میں ہوگی۔

دوسری جانب پاکستان تحریک انصاف کے سیکرٹری جنرل  سلمان اکرم راجہ  نے معاملے پر رد عمل دیتے ہوئے کہا کہ بانی پی ٹی آئی کی بنی گالہ رہائش گاہ کی مبینہ نیلامی کی خبرآج ہی سامنے آئی ہے، اگر ایسا ہے تو یہ کسی خفیہ کارروائی کا نتیجہ ہے۔بنی گالہ کے منتظمین لاعلم ہیں، ہماری لیگل ٹیم معاملے کی تہ تک پہنچنے میں سرگرم عمل ہے، جلد صحیح معلومات سامنے آجائیں گی۔

عمران خان صاحب کی بنی گالہ رہائشگاہ کی مبینہ نیلامی کی خبر آج ہی سامنے آئی ہے۔ اگر ایسا ہے تو یہ کسی خفیہ کاروائی کا نتیجہ ہے۔ بنی گالہ کے منتظمین لاعلم ہیں۔ ہماری لیگل ٹیم معاملے کی تہ تک پہنچنے میں سرگرم عمل ہے۔ جلد صحیح معلومات سامنے آ جائیں گی۔

— salman akram raja (@salmanAraja) August 11, 2025

سیکریٹری جنرل پی ٹی آئی نے کہا کہ لیگل ٹیم کی حاصل کردہ معلومات کے مطابق نیب ریفرنس نمبر ۱۹/۲۰۲۳ بعنوان سرکار بنام عمران خان، جسے عام طور پر القادر ٹرسٹ مقدمے کے طور پر جانا جاتا ہے، میں دیگر ملزمان کو مفرور اور اشتہاری قرار دیا جا چکا ہے، آج شائع نوٹس نیلامی ان ملزمان کی جائیداد بارے ہے۔ ٹیم نگاہ رکھے ہوئے ہے۔

لیگل ٹیم کی حاصل کردہ معلومات کے مطابق نیب ریفرنس نمبر ۱۹/۲۰۲۳ بعنوان سرکار بنام عمران خان، جسے عام طور پر القادر ٹرسٹ مقدمے کے طور پر جانا جاتا ہے، میں دیگر ملزمان کو مفرور اور اشتہاری قرار دیا جا چکا ہے۔ آج شائع نوٹس نیلامی ان ملزمان کی جائیداد بارے ہے۔ ٹیم نگاہ رکھے ہوئے ہے۔

— salman akram raja (@salmanAraja) August 11, 2025