پریس انفارمیشن ڈیپارٹمنٹ (پی آئی ڈی )کے پرنسل انفارمیشن آفیسر مبشر حسن کا نام بھی اعزازکے لیے نامزد کیا گیا ہے۔


اسلام آباد : وفاقی حکومت کی طرف سے چیئرمین پیپلز پارٹی بلاول بھٹو زرداری کو نشانِ پاکستان اور افواج پاکستان کی طرف سے وفاقی وزیر عطا تارڑ کو ستارہ امتیاز دینے کا فیصلہ کیا گیا ہے۔
میڈیا رپورٹس کے مطابق بلاول بھٹو زرداری اور ان کے ساتھ وفد کو آج سب سے بڑا سویلین اعزاز دیا جائے گا۔
پاک بھارت جنگ کے بعد عالمی فورمز پر پاکستان کا مؤقف اجاگر کرنے پر بلاول کو اعلیٰ ترین سول اعزاز دیا جائےگا۔
واضح رہے کہ بھارت کے خلاف جنگ کے بعد وزیراعظم شہباز شریف نے بلاول بھٹو زرداری کی قیادت میں ایک پارلیمانی کمیٹی تشکیل دی تھی جس کا مقصد عالمی سطح پر پاکستان کے مؤقف کو بھرپور انداز میں پیش کرنا تھا۔
بلاول بھٹو زرداری نے بھارتی جارحیت پر عالمی برادری کو پاکستان کے بھرپور مؤقف سے آگاہ کیا،انھوں نے یورپی پارلیمنٹ میں پاکستان کا امن بیانیہ پیش کیا۔
دوسری جانب عطا تارڑ کو دوران جنگ میڈیا کے کردار میں ان کی کاوشوں اور خدمات کے ااعتراف میں انھیں اعلیٰ ترین عسکری اعزاز کے لیے نامزد کیا گیا ہے۔
علاوہ ازیں پریس انفارمیشن ڈیپارٹمنٹ (پی آئی ڈی )کے پرنسل انفارمیشن آفیسر مبشر حسن کا نام بھی ستارہ امتیاز کے لیے نامزد کیا گیا ہے۔
ستارہ امتیاز کے لیے دونوں افراد کی نامزدگیاں افواجِ پاکستان کی طرف کی گئی ہیں۔
یاد رہے کہ نشان پاکستان پاکستان کا سب سے بڑا شہری اعزاز ہے،یہ اعلیٰ ترین اعزاز کسی بھی پاکستانی یا غیر پاکستانی کو زندگی کے مختلف شعبوں اور ملک و قوم کے لیے اعلٰی ترین خدمات پر عطا کیا جا تا ہے ۔
جبکہ ستارہ امتیاز پاکستان کا تیسرا بڑا سول اور عسکری اعزاز ہے جو حکومتِ پاکستان کی جانب سے ہر سال نامزد افراد کو دیا جاتا ہے۔

پشاور میں نادرا کا اسسٹنٹ ڈائریکٹر فائرنگ سے جاں بحق
- 11 days ago

پولیس افسران کی ترقیوں کے خلاف پنجاب حکومت کی اپیلیں خارج
- 10 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 12 days ago

پیٹرول اور ڈیزل کی قیمتوں میں کمی کا اعلان
- 12 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 10 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 9 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 9 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 9 days ago
پہلے ایل پی جی اوراب بجلی بم گرا دیا گیا
- 11 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 9 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 10 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 10 days ago



