معروف یوٹیوبر ڈکی بھائی کو لاہور ایئر پورٹ سے حراست میں لے لیا گیا

معروف یوٹیوبر سعدالرحمان عرف ڈکی بھائی کو لاہور ایئر پورٹ سے حراست میں لے لیا گیا، یوٹیوبر کے خلاف مختلف مقدمات کی تحقیقات جاری ہیں اور نام پی این آئی ایل لسٹ میں تھا،

نیشنل کرائم انویسٹی گیشن ایجنسی نے ڈکی بھائی کو جوئے کی ترغیب دینے کے الزام میں لاہور ایئرپورٹ سے گرفتارکر لیا۔ 

میڈیا رپورٹس کے مطابق ڈکی بھائی بیرون ملک جانے کی کوشش کر رہے تھے تاہم ان کا نام پہلے ہی پی این آئی ایل فہرست میں شامل تھا جس کے باعث انہیں ایئرپورٹ پر حراست میں لے لیا گیا۔

واضح رہے کہ اس سے قبل 2024ء میں بھی ڈکی بھائی اور ان کی اہلیہ عروب جتوئی کو لاہور کے علاقے ماڈل ٹاؤن میں پولیس نے اُس وقت حراست میں لیا تھا جب انہوں نے سوشل میڈیا پر اسلحے کی نمائش کی تھی۔

خیال رہے کہ اپریل میں موٹروے پولیس نے ڈکی بھائی کے خلاف دوران ڈرائیونگ خطرناک اسٹنٹ کرنے اور تیز رفتاری سے گاڑی چلانے کے دو مقدمات دائر کیے تھے۔