لاہور: اداکار عمران اشرف اور ناصر چینیوٹی کی نئی پنجابی فلم’’ اینا نوں رہنا سہنا نہیں آندا ‘‘ کی پروموشن تقریب کا انعقاد

لاہور: صوبائی دارالحکومت لاہور کے مقامی سینما میں نامور پاکستانی اداکار عمران اشرف اور ناصر چنیوٹی کی نئی بین الاقوامی پنجابی فلم’’ اینا نوں رہنا سہنا نہیں آندا‘‘ کی پروموشن تقریب کا انعقاد کیا گیا۔

 سینما میں میڈیا سے گفتگو کرتے ہوئے عمران اشرف نے کہا کہ یہ فلم مختلف موضوعات کو احاطہ کر رہی ہے فلم میں رومانس اور کامیڈی سمیت معاشرتی مسائل کو اجاگر کیا گیا ہے۔

عمران اشرف نے مزید کہا کہ دیکھا جائے تو پنجابی فلموں کو پسند کرنیوالوں کی بڑی تعداد یہاں موجود ہے۔ پاکستانی فنکار بیرون ملک بھی اپنی صلاحیتوں کا لوہا منوا رہے ہیں جو ایک اعزاز کی بات ہے۔

اس موقع پر اداکار عمران اشرف نے کہا کہ فلم ناظرین کوبھرپور تفریح مہیا کرے گی،ان کا کہنا تھا کہ میں ایک پاکستانی ہوں اور میرا کام ملک کیلئے ہے۔ 

خیال رہے کہ بھارتی پنجابی فلم ’’اینا نوں رہنا سہنا نہیں آندا‘‘ کی نمایاں کاسٹ میں عمران اشرف، ناصر چنیوٹی ،رنجیت باوا، سپنا اور دیگر شامل ہیں،جبکہ فلم بائیس اگست کو دنیا بھر میں ریلیز ہو رہی ہے۔