پاکستان اور انگلینڈ کے درمیان دوسرا ٹی ٹوئنٹی میچ آج کھیلا جائے گا

پاکستان اور انگلینڈ کے درمیان تین ٹی ٹوئنٹی میچوں پر مشتمل سیریز کا دوسرا میچ آج کھیلا جائے گا۔ میچ پاکستان کے معیاری وقت کے مطابق شام ساڑھے چھ بجے شروع ہوگا۔

پاکستانی وقت کے مطابق دوسرا ٹی ٹوئنٹی میچ آج شام ساڑھے 6 بجے ہیڈنگلے لیڈز کرکٹ گراؤنڈ میں کھیلا جائے گا۔

خیال رہے کہ ٹرینٹ برج میں کھیلے گئے  پہلے ٹی ٹونٹی میچ میں پاکستان نے انگلینڈ کو اکتیس رنز سے ہرایا تھا ۔پاکستان نے پہلے بیٹنگ کرتے ہوئے مقررہ بیس اوورز میں چھ وکٹوں کے نقصان پر دوسو بتیس رنز بنائے ۔بابراعظم نے انچاس گیندوں پر پچاسی رنز بنائے جبکہ وکٹ کیپر بلے باز محمد رضوان نے اکتالیس گیندوں پر تریسٹھ رنز بنائے تھے ۔جواب میں انگلینڈ کی ٹیم انیس اعشاریہ دو اوورز میں دو سو ایک رنز بنا کر آوٹ ہوگئی تھی۔