ملک بھر کے 99 اضلاع میں انسداد پولیو مہم یکم ستمبر سے شروع ہوگی

اسلام آباد:پاکستان میں یکم ستمبر سے پولیو مہم شروع ہوگی اور ملک کے 99 اضلاع میں دو کروڑ 80 لاکھ بچوں کو پولیو ویکسین دی جائے گی۔

تفصیلات کے مطابق پولیو مہم میں دو لاکھ 40 ہزار سے زائد پولیو ورکرز حصہ لیں گے، گلگت بلتستان، آزاد کشمیر اور اسلام آباد میں بھی گھر گھر ویکسین پلائی جائے گی،جبکہ سیلاب سے متاثرہ اضلاع میں پولیو اور دیگر بیماریوں کے پھیلاؤ کا خدشہ بڑھ گیا، والدین ہر مہم میں بچوں کو پولیو کے دو قطرے لازمی پلائیں۔

اس حوالے سے وفاقی وزیر قومی صحت سید مصطفی کمال کو بریفنگ دیتے ہوئے کیا، نیشنل کوآرڈینیٹر نے کہا کہ جنوبی خیبر پختونخوا میں پولیو مہم کا انعقاد 15ستمبر سے کیا جائے گا ،انسداد پولیو مہم کے دوران 2 کروڑ 80 لاکھ بچوں کو پولیو کے قطرے پلائے جائیں گے۔

سید مصطفی کمال نے کہا کہ وزیر اعظم کی قیادت میں پولیو کے خاتمے کیلئے پر عزم ہیں ،ہائی رسک ایریاز میں پولیو کے خاتمے کیلئے موثر حکمت عملی کو یقینی بنا یاجا ئے۔

جبکہ پولیو پروگرام حکام کا کہنا ہے کہ انسداد پولیو مہم کے دوران بی رول اور تصاویر میڈیا کے لیے دستیاب ہوں گی، مہم کے دوران میڈیا ٹیموں کو فیلڈ رسائی بھی فراہم کی جائے گی۔

دوسری جانب ماہرین صحت نے بتایا کہ بچوں کا حفاظتی ٹیکوں کا کورس بروقت مکمل کرایا جائے۔