فراڈ کے الزام میں مشہور پاکستانی ٹک ٹاکر گرفتار

لاہور: پولیس نے فراڈ کے الزام میں ایک اورمشہور پاکستانی ٹک ٹاکر خرم گجر کو گرفتار کر لیا گیا۔

تفصیلات کے مطابق ٹک ٹاکر خرم گجر کو اوورسیز پاکستانی کے ساتھ فراڈ کے الزام میں گرفتار کیا گیا ٹک ٹاکر پر الزام ہے کہ اس نے رانا ارسلان نامی شخص کے ساتھ 2 لاکھ یورو کا فراڈ کیا ہے۔

ذرائع کے مطابق خرم گجر نے رانا ارسلان سے کمرشل پلاٹ کی خریداری کے لیے 2 لاکھ یورو لیے تھے، لیکن ایک سال بعد بھی رانا ارسلان کو دکھایا گیا کمرشل پلاٹ خرید کر حوالے نہیں کیا گیا۔

ذرائع نے مزید بتایا کہ رانا ارسلان کے مطابق خرم گجر سے جب رقم کی واپسی کا مطالبہ کیا گیا تو اس نے انکار کر دیا اور ساتھ دھمکیاں بھی دیں۔

تاہم بعدازاں پولیس نے رانا ارسلان کی درخواست پر تھانہ ڈیفنس سی میں مقدمہ درج کیا گیا۔ جس کے بعد پولیس نے دھمکیوں اور امانت میں خیانت کے الزام پر ٹک ٹاکر خرم گجر کو گرفتار کر لیا۔