بھارتی اداکارہ  پرِیا مراٹھے 38 سال کی عمر میں کینسر کے باعث انتقال کر گئیں

بھارتی اداکارہ  پرِیا مراٹھے 38 سال کی عمر میں کینسر کے باعث انتقال کر گئیں۔

بھارتی میڈیا کے مطابق اتوار کو بھارتی ٹیلی ویژن انڈسٹری کو اس وقت جھٹکا لگا جب اداکارہ پرِیا کے انتقال کی خبر سامنے آئی۔ 

 رپورٹس کے مطابق 38 سالہ اداکارہ طویل عرصے سے کینسر سے لڑ رہی تھیں تاہم  اتوار کو انہوں نے ممبئی میں اپنے گھر میں آخری سانس لی۔

پرِیا نے کئی ہندی اور مراٹھی ڈراموں میں کام کیا اور وہ اپنی شاندار اداکاری کے لیے مشہور تھیں۔

بھارتی میڈیا کے مطابق پرِیا نے 2012 میں اداکار شانتانو  سے شادی کی تھی۔ 

اداکارہ 2024 کے بعد انسٹاگرام پر متحرک نہیں تھیں۔ ان کی آخری پوسٹ 11 اگست 2024 کو تھی، جس میں انہوں نے اپنے شوہر کے ساتھ تصاویر شیئر کی تھیں۔

اداکارہ کے انتقال پر شوبز انڈسٹری کی شخصیات کی جانب سے گہرے دکھ اور افسوس کا اظہار کیا جارہا ہے۔