آج پاکستان پہلی مرتبہ ای سپورٹس میں داخل ہو رہا ہے : وفاقی وزیر اطلاعات

تفصیلات کے مطابق فواد چوہدری کا کہنا ہے کہ وزارت اطلاعات نے گیرینا کے ساتھ اس ضمن میں مفاہمت کی یادداشت پر دستخط کئے ہیں، گیرینا دنیا کی مشہور کمپنی ہے، بیگو کے تعاون سے فری فائر پاکستان میں پہلی مرتبہ قومی ٹورنامنٹ منعقد کر رہی ہے۔

وزیر اطلاعات کا کہنا ہے کہ اس گیم میں ایک کروڑ روپے کے انعامات ہیں، جیتنے والی ٹیم عالمی سطح پر ہونے والے مقابلے میں حصہ لے سکے گی جس میں دو ملین ڈالر کے انعامات ہیں، کھیلوں میں زیادہ دلچسپی رکھنے والے بچوں کے پاس موقع ہے کہ وہ 12 سال کی عمر میں کروڑ پتی بن سکتے ہیں ۔

انہوں نے کہا ویڈیو گیمز کی مجموعی مارکیٹ 200 بلین ڈالر عبور کر چکی ہے، ای سپورٹس کی طرف ہم نے بڑا قدم اٹھایا ہے جس میں ہمارے بچے ای سپورٹس میں حصہ لے سکیں گے۔ فری فائر پاکستان میں ہونے والا پہلا ای سپورٹس ٹورنامنٹ ہے، جیسے جیسے ہم آگے جائیں گے اس کے ثمرات نظر آنا شروع ہو جائیں گے۔