گوگل کوصارفین کی نجی معلومات حاصل کرنے کے الزام میں   ساڑھے 42 کروڑ ڈالر ہرجانہ ادا کرنے کا حکم

امریکی فیڈرل جیوری  نے صارفین کی نجی معلومات حاصل کرنے کے الزام میں  گوگل کو ساڑھے 42 کروڑ ڈالر ہرجانہ ادا کرنے کا حکم دے دیا۔

غیر ملکی خبر رساں ادارے کے مطابق گوگل پر غیرقانونی طورپرصارفین کی نجی معلومات حاصل کرنےکا الزام ہے۔

اس کے پیش نظر امریکی فیڈرل جیوری نے گوگل  کو 42 کروڑ  50  لاکھ ڈالر ہرجانےکا حکم دیا ہے۔

واضح رہے کہ گوگل کےخلاف جولائی 2020 میں مقدمہ دائرکیا گیا تھا جس میں الزام عائد کیا گیا تھا کہ گوگل نے صارفین کی ایپ سرگرمی پر خفیہ نگرانی کے ذریعے پرائیویسی سیٹنگز کے باوجود ڈیٹا اکٹھا کیا۔