مظفرگڑھ : لوڈر رکشے کی ٹکر سے علاقے کا امیر ترین بھکاری جاں بحق

پنجاب کے ضلع مظفرگڑھ کے علاقے موضع جھینگر میں لوڈر رکشے کی موٹرسائیکل کو ٹکر سے علاقے کا امیر ترین شوکت بھکاری جاں بحق ہوگیا۔

علاقہ مکینوں کے مطابق شوکت بھکاری 3 بچوں کا باپ تھا،ان کا مزید کہنا تھا کہ شوکت بھکاری نہ صرف اردو،بلکہ وہ پنجابی اور انگریزی بھی روانی سے بولتا تھا اور وہ کئی ایکڑ زرعی زمین کا بھی مالک تھا۔

خیال رہے کہ چند سال قبل وائرل ہونے والی ایک ویڈیو میں شوکت بھکاری نے خود اعتراف کیا تھا کہ وہ بھیک مانگتے مانگتے لکھ پتی بن چکا ہے۔

ویڈیوبیان میں کہنا تھا کہ وہ روزانہ ملتان سے ایک ہزار روپے کماتا ہے اور اس طرح مہینے میں 30 ہزار روپے آرام سے کما لیتا ہے جب کہ یہ ساری رقم بینک اکاؤنٹ میں جمع کراتا ہے۔

اس کا مزید کہنا ہے کہ آج کل کے دور میں ایک روپیہ کسی کی جیب میں کھلا نہیں ہوتا اسی لیے لوگ مجھے 10 سے 20 روپے دے دیتے ہیں۔