نائجیریا: ڈاکوؤں نے جنگی طیارہ مار گرایا

غیر ملکی خبر رساں ادارے کے مطابق ایلفا جیٹ طیارہ  نائیجیریا کے شمالی علاقے میں اغواکاروں اور ڈاکوؤں کیخلاف  کامیاب کارروائی  کر کے واپس لوٹ رہا تھا کہ اس پر اندھا دھنگ فائرنگ کر دی گئی۔جس سے  طیارہ  فضا میں ہی تباہ  ہوگیا جبکہ جنگی جہاز کے پائلٹ ابایومی ڈائرو نے خطرے کو بھانپتے ہوئے  طیارے سے  ہنگامی انخلاء کر  کے اپنی جان بچائی۔

اس حملے  کے ذمے دار علاقے میں موجود   مسلح جرائم پیشہ گروہ  ہیں  جنہیں مقامی لوگ " ڈاکو "کہتے ہیں۔

واضح رہے کہ پچھلے سال دسمبر سے اب تک اس علاقے سے ہزاروں  افراد اغوا ہوچکے ہیں، جن میں کئی افراد کو  تاوان دے کر بازیاب بھی کرالیا گیا ہے ۔ حکومت نے  ڈاکوؤں  کے خلاف ملکی فضائیہ کو خصوصی احکامات دیئے ہیں جس کے بعد ان کے ٹھکانوں پر بمباری جاری ہے۔