آریان خان کی ہدایت کردہ سیریز کی کہانی ایک نوجوان کردار، آسمان سنگھ، کے گرد گھومتی ہے جو فلمی صنعت میں مقام بنانے کے لیے جدوجہد کرتا دکھائی دیتا ہے


بالی وڈ کے کنگ شاہ رخ خان کے صاحبزادے آریان خان نے بطور ہدایت کار اپنی پیشہ ورانہ زندگی کا آغاز کر دیا، جب کہ ان کی پہلی ویب سیریز 'The Bastards of Bollywood' نیٹ فلکس پر ریلیز کر دی گئی ہے۔
یاد رہے کہ نیٹ فلکس نے گزشتہ برس اس بات کی تصدیق کی تھی کہ آریان خان ان کے لیے ایک ویب سیریز کی ہدایت کاری کریں گے، اور اب اس کا پہلا سیزن ریلیز ہو چکا ہے۔
آریان خان کی ہدایت کردہ سیریز کی کہانی ایک نوجوان کردار، آسمان سنگھ، کے گرد گھومتی ہے جو فلمی صنعت میں مقام بنانے کے لیے جدوجہد کرتا دکھائی دیتا ہے۔
سیریز میں بالی وڈ کی چمکتی دنیا، اندرونی سیاست، خاندانی سازشیں، عشق و محبت، اور اقربا پروری جیسے حساس موضوعات کو خاص انداز میں پیش کیا گیا ہے۔
پہلے سیزن میں آسمان سنگھ کو ایک مشہور اداکارہ کی بیٹی کرشمہ تلوار کے ساتھ کام کرتے دکھایا گیا ہے۔ اس میں رومانس، فریب، اور انڈسٹری کے تلخ حقائق کو جرات مندانہ انداز میں بیان کیا گیا ہے۔
ڈرامائی اور طنزیہ انداز میں بنائی گئی اس سیریز میں فلم نگری کے طاقتور تعلقات اور رسہ کشی کو بھی اجاگر کیا گیا ہے۔
ہدایت کار آریان خان جبکہ پروڈیوسر ان کی والدہ گوری خان ہیں، اور اس سیریز کو شاہ رخ خان کی پروڈکشن کمپنی "ریڈ چلیز انٹرٹینمنٹ" کے بینر تلے تخلیق کیا گیا ہے۔
اداکاری کے شعبے میں بوبی دیول، لکھشیا لالوانی، سحر بامبا، راگھوو جویال، رجت بیدی، انایا سنگھ، اور منیش چوہدری نے حصہ لیا ہے، جبکہ شاہ رخ خان، کرن جوہر اور تمنا بھاٹیا بھی مختصر مگر اہم کرداروں میں جلوہ گر ہوئے ہیں۔ تمنا بھاٹیا پر ایک آئٹم سانگ بھی فلمایا گیا ہے۔
سیریز میں متعدد مشہور ولن کرداروں کو بھی شامل کیا گیا ہے اور اسے مکمل طور پر بالی وڈ اسٹائل میں پیش کیا گیا ہے۔
آریان خان کے ہدایت کاری کے میدان میں قدم رکھنے کے بعد اندازہ لگایا جا رہا ہے کہ وہ نیٹ فلکس کے لیے مزید منصوبے لائیں گے اور مستقبل میں بطور اداکار بھی کام کرتے نظر آ سکتے ہیں۔ ان کی بہن سہانا خان پہلے ہی فلمی دنیا میں اپنے سفر کا آغاز کر چکی ہیں۔

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 days ago

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 days ago

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 days ago

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 days ago

پیٹرول اور ڈیزل کی نئی قیمتوں کا اعلان
- 2 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 days ago

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- a day ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 days ago

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- a day ago

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- a day ago

پاکستان میں فی تولہ سونا ہزاروں روپے سستا ہوگیا
- a day ago

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 days ago







